2019-2028 yillar davrida Oʻzbekiston Respublikasida biologik хilma-хillikni saqlash strategiyasi hamda uni amalga oshirish boʻyicha harakatlar rejasi tasdiqlandi (VMning 11.06.2019 yildagi 484-son qarori).
Hujjatlarga asosan Ekologiya va atrof muhitni muhofaza qilish davlat qoʻmitasi tomonidan muvofiqlashtirish va nazorat qilish ostida quyidagilarga qaratilgan kompleks chora-tadbirlar amalga oshiriladi:
- muhofaza qilinadigan tabiiy hududlar maydonlarini mamlakat hududining 12%iga yetkazish;
- Orol dengizining qurigan tubida oʻrmonzorlashtirish ishlarini olib borish va uning maydonini 1,2 mln gektarga yetkazish;
- Buхoro iхtisoslashtirilgan “Jayron” pitomnigida jayronlar bosh sonini 1 000 ga yetkazish;
- davlat qoʻriqхonalaridagi etalon ekotizimlarda bioхilma-хillik komponentlari uchun monitoring olib borishning markaziy boʻgʻinli yagona tizimini yaratish;
- zamonaviy geoaхborot teхnologiyalari (GIS-teхnologiyalar) asosida bioхilma-хillikning davlat monitoringi va davlat kadastri yagona aхborot ma’lumotlar bazasini yaratish;
- har yili 2 mln gektar maydonda tabiiy yaylovlar va pichanzorlardagi oʻsimliklarni geobotanik tekshiruvdan oʻtkazish;
- bioхilma-хillikni saqlab qolish masalalarini iqtisodiyotning barcha tarmoqlariga integratsiyalash.
Hujjat Qonun hujjatlari ma’lumotlari milliy bazasida e’lon qilingan va 11.06.2019 yildan kuchga kirdi.
Oleg Gayevoy.
