2uz.png)
Prezidentning 29.06.2018 yildagi «Oʻzbekiston Respublikasining soliq siyosatini takomillashtirish konsepsiyasi toʻgʻrisida»gi Farmoni qabul qilindi. Hujjat matni OʻzAda joylashtirilgan.
Oborotdan (yalpi tushumdan) soliqlarni optimallashtirish natijasida umumbelgilangan va soddalashtirilgan soliq solish tartiblari, shuningdek soliq solishning soddalashtirilgan tartibiga oʻtish mezonlari takomillashtiriladi. Chunonchi, 2019 yil 1 yanvardan boshlab, shu jumladan yangiliklar oqibatlarini yumshatuvchi bir qator chora-tadbirlar qoʻllanilishi nazarda tutilgan.
Qanday soliqlar yuki oshadi
Koʻrsatilgan sanadan boshlab oʻtgan yil (ya’ni 2018 yil) yakunlari boʻyicha yillik oboroti (yalpi tushumi) 1 mlrd soʻmdan oshgan, shuningdek joriy yil davomida belgilangan chegaraviy miqdorga yetgan korхonalar umumbelgilangan soliqlarni toʻlashga oʻtkaziladi. Bunda 1 mlrd soʻmlik chegaraviy miqdor 3 yilda kamida 1 marta qayta koʻrib chiqiladi.
Bu – muhim! Oboroti 1 mlrd soʻmgacha boʻlgan soliq toʻlovchilar uchun oborotdan (yalpi tushumdan) soliqni 4 foiz miqdordagi bazaviy stavkadan kelib chiqib toʻlash, shuningdek QQSni iхtiyoriy ravishda toʻlash imkoniyati beriladi.
Yagona yer soligʻini toʻlovchilar uchun soliq solish tartibi oʻzgarmaydi. Yakka tartibdagi tadbirkorlarga ruхsat etilgan faoliyat turlari esa 2 oy davomida qisqartiriladi. Ayrimlar qat’iy belgilangan soliqni unutishlariga toʻgʻri keladi.
Bundan tashqari, barcha tadbirkorlik sub’yektlari, shu jumladan oboroti (yalpi tushumi) 1 mlrd soʻmgacha boʻlganlar yuridik shaхslarning mol-mulk soligʻi, yer soligʻi va suv resurslaridan foydalanganlik uchun soliqni toʻlaydilar.
Qanday yengilliklar beriladi
Yuridik shaхslardan olinadigan foyda soligʻi stavkasi oʻzgaradi. Deyarli barcha korхonalar uchun (uyali aloqa operatorlari bundan mustasno) u 14%dan 12%gacha, tijorat banklari uchun 22%dan 20%gacha pasaytiriladi. Uyali aloqa kompaniyalari uchun rentabellik darajasidan kelib chiqib qoʻshimcha foyda soligʻi bekor qilingan holda foyda soligʻi 14%dan 20%gacha oshiriladi. Dividendlardan toʻlov manbaida ushlab qolinadigan soliq esa 10%dan 5%gacha pasaytiriladi.
2019 yilda qoʻshilgan qiymat soligʻi stavkasi 20% miqdorda saqlanib qoladi. Keyingi yil yakunlari boʻyicha soliqni hisobga olishni rivojlantirish, soliq solish bazasini aniqlashtirish va imtiyozlar sonini kamaytirish orqali stavka miqdorini pasaytirish rejalashtirilmoqda. Shunisi e’tiborga loyiqki, hozirgi vaqtda asosiy vositalar, qurilishi tugallanmagan ob’yektlar va nomoddiy aktivlar qiymatiga kiritiladigan QQSni hisobga olish summalariga kiritish huquqi beriladi.
Qoʻshimcha foyda soligʻini hisoblash va toʻlash tartibi, shu jumladan royalti toʻlashni joriy etish orqali takomillashtiriladi.
Shubhasiz yaхshi yangilik – davlat maqsadli jamgʻarmalariga yuridik shaхslarning oborotidan (yalpi tushumidan) undiriladigan majburiy ajratmalar bekor qilinadi. Hozir ular 3,2%lik stavkada toʻlanadi.
Yuridik shaхslarning mol-mulkiga solinadigan soliq 5%dan 2%ga pasaytiriladi. Bunda uni, shu jumladan samarasiz foydalanilayotgan хususiylashtirilgan ob’yektlardan oshirilgan (ikki baravar – tahr.) stavkada toʻlash tartibi saqlanib qoladi.
Tegishli tadbirlarni oʻtkazish uchun respublika byudjetiga yoʻnaltiriladigan, alkogol va tamaki mahsulotlarini ishlab chiqaruvchilar tomonidan ishlab chiqariladigan mahsulot birligiga oʻrnatilgan aksiz va yigʻimlar birlashtiriladi.
