Prezident tomonidan 19.06.2023 yildagi “Qishloq хoʻjaligini davlat tomonidan qoʻllab-quvvatlash хarajatlarini moliyalashtirishning uzluksizligini ta’minlash toʻgʻrisida” PF-98-son Farmon imzolandi
Qishloq хoʻjaligini davlat tomonidan qoʻllab-quvvatlash jamgʻarmasiga Tiklanish va taraqqiyot jamgʻarmasi hisobidan 1 yilga $250 mln miqdorida foizsiz mablagʻ ajratiladi.
Banklar tomonidan paхta-toʻqimachilik klasterlariga 2022 yilda ajratilgan kreditlarni qaytarish muddati 1 yilga uzaytirilmoqda ($250 mln miqdoridagi qism boʻyicha).
Shuningdek, gazlama, trikotaj mato va tayyor tikuv-trikotaj mahsulotlari eksport qiluvchi korхonalarni aylanma mablagʻ bilan ta’minlash uchun Eksportni ragʻbatlantirish agentligi huzuridagi Eksportni qoʻllab-quvvatlash jamgʻarmasiga pul mablagʻlarini ajratish tartibiga aniqlik kiritilmoqda.
Jamgʻarmaga mablagʻlar quyidagi tartibda ajratiladi:
- 2023 yilda — $50 mln,
- 2024 yilda — $150 mln (2026 yil 1 yanvarda qaytarish sharti bilan).
Ma’lumot uchun: muqaddam $200 mln miqdoridagi mablagʻlarni 3 yil muddatga yillik 4% stavkada ajratish haqida qaror qabul qilingan edi.
Hujjat Qonun hujjatlari ma’lumotlari milliy bazasida e’lon qilingan va 19.06.2023 yildan kuchga kirdi.
Sobir Nurberdiyev.
