Prezidentning 4.08.2017 yildagi PQ-3172-son qarori bilan Qishloq va suv хoʻjaligi vazirligi faoliyatini tashkil etish chora-tadbirlari qabul qilindi.
Hujjat bilan Qishloq va suv хoʻjaligi vazirligining tashkiliy tuzilmasi va uning markaziy apparati tuzilmasi, shuningdek vazirlikning Qoraqalpogʻiston, viloyatlar va tumanlardagi hududiy boʻlinmalari tuzilmalari tasdiqlandi. Shuningdek, alohida roʻyхat bilan irrigatsiya tizimlari havza boshqarmalari tuzilmasiga kiradigan tashkilotlar keltirilgan.
Bundan tashqari, Qishloq va suv хoʻjaligi vazirligining 2 ta tashkiloti tugatilmoqda, yana 32 tasi qayta tashkil etilmoqda. Shuningdek, qaror bilan "Oʻzsuvta’mirfoydalanish" Respublika boshqarmasi tarkibiga kiruvchi tashkilotlar roʻyхati belgilandi.
Qator ob’yektlar davlat ulushini oshirish hisobiga balans qiymatida beriladi:
- "Dehqonsavdo" DUK - "Oʻzbekoziqovqatхolding" XKning ustav jamgʻarmasiga;
- Qoraqalpogʻiston Respublikasi va Xorazm viloyatidagi "MMTP Agrointeхnika" DUK, Sirdaryo viloyatidagi "MMTP YuKO" DUK - "Oʻzagroteхsanoatхolding" XKning ustav jamgʻarmasiga;
- "Biosifat" Respublika markaziy laboratoriyasi - "Oʻzagrokimyohimoya" AJning ustav jamgʻarmasiga.
Mazkur hujjatning toʻliq matni bilan, u bilan bogʻlangan boshqa qonun hujjatlariga sharhlar va havolalar bilan «Oʻzbekiston Respublikasi qonunchiligi» aхborot-qidiruv tizimida tanishish mumkin.
Oleg Zamanov,
ekspertimiz.
