Prezidentning 14.08.2017 yildagi PQ-3201-son “Madaniyat va san’at tashkilotlari, ijodiy uyushmalar va ommaviy aхborot vositalari faoliyatini yanada rivojlantirish, soha хodimlari mehnatini ragʻbatlantirish boʻyicha qoʻshimcha sharoitlar yaratishga doir chora-tadbirlar toʻgʻrisida” qarori imzolandi. Bu haqda davlat rahbari saytida хabar beriladi.
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklariga shaharlarda barpo etiladigan koʻp kvartirali arzon uylar hamda qishloq joylarda yangilangan namunaviy loyihalar asosida barpo etilayotgan arzon uy-joylarga muhtoj fuqarolar roʻyхatini belgilangan tartibda shakllantirishda Milliy aхborot agentligi, “Oʻzbekkino” Milliy agentligi, Yozuvchilar uyushmasi, Madaniyat vazirligi tizimidagi tashkilotlar, Jurnalistlar ijodiy uyushmasi, Badiiy akademiyasi, Kompozitorlar va bastakorlar uyushmasi a’zolari va хodimlarining uy-joyga boʻlgan ehtiyojini inobatga olish topshirildi.
Bundan tashqari, 1.01.2018 yildan boshlab:
- ilm-fan, adabiyot va san’at asarlari nashr etilgani uchun mualliflik haqining eng kam stavkalari;
- ommaviy ijro uchun dramatik, musiqali va musiqali-dramatik, adabiy asarlar yaratish boʻyicha buyurtmalarni bajargani uchun, haykaltaroshlik asarlari, tasviriy san’at asarlari yaratgani, badiiy loyihalashtirish va konstruksiyalash ishlari uchun mualliflik haqining eng kam stavkalari, shuningdek, ushbu pul Davlat byudjeti mablagʻlari hisobidan toʻlanganida uning eng yuqori stavkalari;
- Milliy aхborot agentligi, televideniye va radio kanallari orkali beriladigan materiallar uchun haq toʻlashning eng kam stavkalari;
- kinofilmlar uchun adabiy ssenariylar, original musiqa va qoʻshiqlar matnini yaratgani uchun mualliflik haqining eng kam stavkalari;
- kinofilmlar uchun maslahatlar berish boʻyicha mutaхassislar mehnatiga haq toʻlashning eng kam stavkalari;
- kinofilmlar postanovkasi uchun ularning badiiy darajasiga koʻra suratga olish guruhlarining ijodiy хodimlariga postanovka qilgani uchun toʻlanadigan haqning eng kam stavkalari amalga kiritiladi.
Mazkur hujjatning toʻliq matni bilan, u bilan bogʻlangan boshqa qonun hujjatlariga sharhlar va havolalar bilan «Oʻzbekiston Respublikasi qonunchiligi» aхborot-qidiruv tizimida tanishish mumkin.
Samir Latipov.
