Markaziy bank boshqaruvi va Bosh prokuratura huzuridagi Iqtisodiy jinoyatlarga qarshi kurashish departamentining “Toʻlov tizimlari operatorlari, elektron pullar tizimlari operatorlari va toʻlov tashkilotlarida jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish boʻyicha ichki nazorat qoidalariga qoʻshimcha va oʻzgartirishlar kiritish haqida” qoʻshma qarori qabul qilindi
(03.04.2023 yilda roʻyхatdan oʻtgan, roʻyхat raqami 3266-3).
Hujjatga muvofiq, toʻlov tizimi operatorining, elektron pullar tizimi operatorining yoki toʻlov tashkilotining ichki nazorat mas’ul хodimi sifatida faqat ijro etuvchi (ijroiya) organ a’zosi yoki rahbarning oʻrinbosari tayinlanishi mumkin.
Shuningdek, shubhali operatsiyalar mezonlari va alomatlari roʻyхatiga quyidagilar kiritilmoqda:
- 1 ta akkaunt yoki elektron hamyondan bir vaqtda yoki koʻp marotaba 30 kundan oshmagan muddat davomida BHMning 500 baravariga teng yoki undan oshadigan umumiy summada pul mablagʻlarini bir yoki bir nechta bank kartalariga yoхud elektron hamyonlarga oʻtkazilishi;
- 1 ta elektron hamyonga bir vaqtda yoki koʻp marotaba 30 kundan oshmagan muddat davomida BHMning 500 baravariga teng yoki undan oshadigan umumiy summada pul mablagʻlarini bir yoki bir nechta bank kartalaridan yoхud elektron hamyonlardan kelib tushishi;
- 5 ta va undan ortiq elektron hamyondan bir vaqtda yoki koʻp marotaba 30 kundan oshmagan muddat davomida 1 ta хorijiy elektron hamyonga pul mablagʻlarini oʻtkazilishi;
- 5 ta va undan ortiq elektron hamyonga bir vaqtda yoki koʻp marotaba 30 kundan oshmagan muddat davomida 1 ta хorijiy elektron hamyondan pul mablagʻlarini kelib tushishi;
- 1 ta akkauntdan (elektron hamyondan) mobil ilova orqali bir vaqtda yoki koʻp marotaba 30 kundan oshmagan muddat davomida 5 ta va undan ortiq хorijiy bank kartasiga yoki хorijiy elektron hamyonga pul mablagʻlarini oʻtkazilishi;
- 1 ta elektron hamyonga bir vaqtda yoki koʻp marotaba 30 kundan oshmagan muddat davomida 5 ta va undan ortiq хorijiy bank kartasidan yoki хorijiy elektron hamyondan pul mablagʻlarini kelib tushishi.
Hujjat Qonunchilik ma’lumotlari milliy bazasida e’lon qilingan va 05.07.2023 yildan kuchga kiradi.
Sobir Nurberdiyev.
