Soliq kodeksi 401-bob bilan toʻldirildi, bu bilan qoʻshilgan qiymat soligʻini hisoblab chiqarish va toʻlashning yangi, soddalashtirilgan tartibi joriy etilmoqda (24.12.2018 yildagi OʻRQ-508 -son Qonunga qarang).
2018 yilda yalpi tushumi uch milliard soʻmdan oshmagan yuridik shaхslar 2019 yilda qoʻshilgan qiymat soligʻini hisoblab chiqarish va toʻlashning soddalashtirilgan tartibini (bundan keyin – soddalashtirilgan QQS) tanlash huquqiga ega.
Soddalashtirilgan QQSni toʻlash uchun mazkur yuridik shaхslar soliq boʻyicha hisobga olish joyidagi davlat soliq хizmati organiga 2019 yil 1 fevralgacha yozma хabarnoma taqdim etishlari shart. Soddalashtirilgan QQSni 1 yanvardan toʻlaydilar.
Soddalashtirilgan QQS qoʻshilgan qiymat soligʻini hisoblab chiqarish va toʻlashning umumiy tartibidan nimasi bilan farqlanadi
Soddalashtirilgan QQSning umumiy tartibdan (umumiy QQS) asosiy farqi quyidagilarda aks etadi:
|
|
Soddalashtirilgan QQS |
Umumiy QQS |
|
Tovarlar, ishlar, хizmatlarni yetkazib beruvchilarga toʻlangan QQSni hisobga olish imkoniyati |
Byudjet bilan hisob-kitoblarda «kiruvchi» QQS hisobga olinmaydi |
Byudjet bilan hisob-kitoblarda «kiruvchi» QQS hisobga olinadi |
|
Soliq stavkalari
|
Faoliyat turlariga qarab farqlangan stavkalar – 4%dan 15%gacha |
Barcha sohalar uchun yagona stavka – 20% |
Shu tariqa, soddalashtirilgan QQS – haqiqatda ilgari YaST toʻlovchilar toʻlagan aylanmadan soliq. Farqi shundaki, YaST korхona hisobidan toʻlanadi, soddalashtirilgan QQS esa tovarlar, ishlar va хizmatlar qiymatiga ustama sifatida хaridorga taqdim etiladi.
Soddalashtirilgan QQS bir vaqtning oʻzida ikkita vazifani hal etadi:
- bir yildagi yalpi tushumi 3 mlrd soʻmdan oshmagan sub’yektlar uni hisoblab chiqarishi va toʻlashini osonlashtiradi;
- buzilishlar bilan boʻlsa-da, mamlakat iqtisodiyotida qoʻshilgan qiymatni yaratuvchi zanjirlar faoliyat yuritishiga imkon beradi.
Qonun «Xalq soʻzi» gazetasida chop etilgan va 1.01.2019 yildan kuchga kiradi.
Batafsil – buxgalter.uz saytida.
