Vazirlar Mahkamasining 04.11.2023 yildagi 586-son qarori bilan Vazirlar Mahkamasining «20 ming tadbirkor - 500 ming malakali mutaхassis» dasturini amalga oshirish boʻyicha chora-tadbirlar toʻgʻrisida»gi 2023 yil 7 iyuldagi 279-son qaroriga oʻzgartirish va qoʻshimchalar kiritildi.
Tuzatishlar kambagʻallikni qisqartirishda tadbirkorlik sub’yektlarini manfaatli hamkorlikka yanada keng jalb qilish va ularga qoʻshimcha qulayliklar yaratilishi munosabati bilan kiritilmoqda.
Xususan, 07.07.2023 yildagi 279-son VMQga quyidagilarni nazarda tutuvchi oʻzgartirish va qoʻshimchalar kiritildi:
kambagʻallikni qisqartirish va bandlik vaziri hamda iqtisodiyot va moliya vazirining birinchi oʻrinbosarlariga «20 ming tadbirkor - 500 ming malakali mutaхassis» dasturi doirasida 200 tadan ortiq ish oʻrni yaratadigan tadbirkorlik sub’yektlari bilan hamkorlik shartnomasini tuzish huquqini berish (amaldagi tahririda – huquq faqat vazirlarga beriladi).
Hujjat Qonun hujjatlari ma’lumotlari milliy bazasida e’lon qilingan va 06.11.2023 yildan kuchga kirdi.
Lola Abduazimova.
