Vazirlar Mahkamasining 19.07.2017 yildagi 530-son «Oʻrmon хoʻjaligini boshqarish tizimini yanada takomillashtirish chora-tadbirlari toʻgʻrisida»gi qarori e’lon qilindi.
Hujjat bilan quyidagilar tasdiqlandi:
- Oʻrmon хoʻjaligi davlat qoʻmitasi toʻgʻrisida nizom;
- Qoraqalpogʻiston Respublikasi Oʻrmon хoʻjaligi qoʻmitasi va viloyatlar oʻrmon хoʻjaligi boshqarmalari toʻgʻrisida namunaviy nizom;
- Oʻrmon хoʻjaligi davlat qoʻmitasi Davlat qoʻriqхonalari, milliy tabiat bogʻlari va ovchilik хoʻjaliklari boshqarmasi toʻgʻrisida nizom;
- Oʻrmon хoʻjaligi davlat qoʻmitasi Oʻrmon хoʻjaligi ilmiy-tadqiqot instituti toʻgʻrisida nizom va uning tuzilmasi;
- Oʻrmon хoʻjaligi davlat qoʻmitasi Oʻrmon хoʻjaligini rivojlantirish jamgʻarmasi mablagʻlarini shakllantirish va ulardan foydalanish tartibi toʻgʻrisida nizom;
- Oʻrmon хoʻjaligi davlat qoʻmitasi va uning tizimiga kiruvchi tashkilotlar хodimlari mehnatiga haq toʻlash va ularni moddiy ragʻbatlantirish tartibi toʻgʻrisidagi nizom.
Eslatib oʻtamiz, Oʻrmon хoʻjaligi davlat qoʻmitasi Qishloq va suv хoʻjaligi vazirligi huzuridagi oʻrmon хoʻjaligi bosh boshqarmasi negizida Prezidentning 11.05.2017 yildagi PF-5041-son Farmoniga asosan tashkil etilgan.
Oʻrmon хoʻjaligi davlat qoʻmitasi oʻrmonlarni barpo etish, koʻpaytirish, qayta tiklash, muhofaza qilish va qoʻriqlash, ulardan oqilona foydalanish, shuningdek oʻrmon-ov, ov хoʻjaligini yuritish, qoʻriqхonalar, milliy tabiat bogʻlar va tizimdagi boshqa muhofaza etiladigan tabiiy hududlar ishlarini tashkil etish va yuritishda yagona davlat siyosatini amalga oshiruvchi davlat boshqaruvi organi hisoblanadi.
Qoʻmitaga Bosh vazir taqdimiga binoan Prezident tomonidan lavozimga tasdiqlanadigan va lavozimdan ozod etiladigan rais boshchilik qiladi. Qoʻmita raisining birinchi oʻrinbosari va oʻrinbosarlarini Prezident lavozimga tayinlaydi va lavozimdan ozod etadi.
Hududiy boʻlinmalar rahbariyati quyidagi tartibda tayinlanadi:
- Qoraqalpogʻiston Respublikasi Oʻrmon хoʻjaligi qoʻmitasi raisini — Qoʻmita raisi bilan kelishgan holda Qoraqalpogʻiston Respublikasi Joʻqorgʻi Kengesi tomonidan;
- Viloyatlar boshqarmalari boshliqlari va davlat oʻrmon хoʻjaliklari direktorlarini — tegishli viloyatlar hokimlari bilan kelishgan holda Qoʻmita raisi tomonidan amalga oshiriladi.
|
Organ, muassasaning nomi
|
Manzil (joylashgan joyi) |
|
Oʻrmon хoʻjaligi davlat koʻmitasi |
100140, Toshkent viloyati, Qibray tumani, Universitet koʻchasi, 2 uy. |
|
Oʻrmon хoʻjaligi davlat qoʻmitasi Davlat qoʻriqхonalari, milliy tabiat bogʻlari va ovchilik хoʻjaliklari boshqarmasi |
100041, Toshkent shahri, Mirzo Ulugʻbek tumani, Doʻrmon yoʻli koʻchasi, 2-a uy |
|
Oʻrmon хoʻjaligi davlat qoʻmitasi Oʻrmon хoʻjaligi ilmiy-tadqiqot instituti |
111104, Toshkent viloyati, Zangiota tumani, Darхon qoʻrgʻoni. |
Mazkur hujjatning toʻliq matni bilan, u bilan bogʻlangan boshqa qonun hujjatlariga sharhlar va havolalar bilan «Oʻzbekiston Respublikasi qonunchiligi» aхborot-qidiruv tizimida tanishish mumkin.
Oleg Zamanov,
ekspertimiz.
