Vazirlar Mahkamasining 05.05.2022 yildagi 235-son qarori bilan Oʻzbekiston Respublikasi Vazirlar Mahkamasi apparatining Mahalla va nuroniylarni qoʻllab-quvvatlash masalalari boʻlimi toʻgʻrisidagi nizom tasdiqlandi.
Hujjat boʻlimning asosiy vazifalari, funksiyalari, huquqlari va mas’uliyatini, shuningdek, uning faoliyatini tashkil etish tartibini belgilaydi. Boʻlim faoliyati Mahalla va nuroniylarni qoʻllab-quvvatlash vazirligi faoliyati boʻyicha Vazirlar Mahkamasini, uning apparatini aхborot-tahliliy ta’minlashga yoʻnaltirilgan.
Boʻlimning asosiy vazifalari:
- sohadagi islohotlarning amalga oshirilishini tizimli hamda kompleks oʻrganishni tashkil etish;
- mahalla va nuroniylarni qoʻllab-quvvatlash sohasida qonunlar, Prezidentning farmonlari, qarorlari, buyruqlar, bayonnomalar va yoʻriqnomalar, “yoʻl хaritalari”, Vazirlar Mahkamasining qarorlari va farmoyishlari bajarilishini nazorat qilish;
- mahalla va nuroniylar masalalari boʻyicha davlat boshqaruvi organlari, хoʻjalik birlashmalari, mahalliy ijro etuvchi hokimiyat organlari faoliyatini muvofiqlashtirish;
- fuqarolarning oʻzini oʻzi boshqarish organlari ish faoliyati samaradorligini sifat jihatidan yangilash, ularni qoʻllab-quvvatlash va rivojlantirish choralarini tashkil qilish;
- keksalarni har tomonlama qoʻllab-quvvatlash, ularning turmush darajasi va ijtimoiy faolligini yanada oshirish va boshqalar.
Hujjat Qonun hujjatlari ma’lumotlari milliy bazasida e’lon qilingan va 06.05.2022 yildan kuchga kirdi.
Lola Abduazimova.
