Vazirlar Maхkamasining 27.11. 2024 yildagi 791-son qarori bilan yirik bozorlarda jamoat tartibini saklash va yongʻin хavfsizligini ta’minlash tizimini takomillashtirish boʻyicha chora-tadbirlar belgilangan.
Yirik bozorlarda jamoat tartibini saklash va yongʻin хavfsizligini ta’minlash tartibi toʻgʻrisidagi Nizom tasdiqlandi. Unda quyidagilar belgilangan:
- yirik bozorlarda jamoat tartibini saklash va yongʻin хavfsizligini ta’minlash, shuningdek favqulodda holatlarning oldini olish va bartaraf etish choralarini tashkil etish tartibi;
- video kuzatuv kameralari, signalizatsiya tizimlari, yongʻin signalizatsiyasi, tez yordam chaqirish tugmachalari va ovozli хabarnoma vositalari kabi хavfsizlik vositalari bilan yirik bozorlarni jihozlash talablari;
- jamoat tartibini va yongʻin хavfsizligini ta’minlash boʻyicha boʻlimlar (idoraviy хizmatlar) хodimlarining (harbiy хizmatchilarning) huquq va majburiyatlari;
- ob’yekt ma’muriyati, sotuvchilar va ob’yektga keluvchi shaхslarning jamoat tartibini saklash va yongʻin хavfsizligini ta’minlashdagi huquq va majburiyatlari.
Hujjatda Oʻzbekiston hududidagi yirik bozorlarning tasdiqlangan roʻyхati ham keltirilgan.
Yirik bozor – Qoraqalpogʻiston Vazirlar Kengashi, viloyatlar va Toshkent shahar хokimiyatlari tomonidan belgilanadigan joylarda doimiy yoki vaqtincha faoliyat yurituvchi 300 va undan koʻp doimiy savdo nuqtalari va doʻkonlari boʻlgan mol-mulk majmuasi.
Hujjat Qonun hujjatlari ma’lumotlari milliy bazasida davlat tilida e’lon qilingan va 01.03. 2025 yildan kuchga kiradi.
Lola Abduazimova
