Prezidentning 04.04.2022 yildagi “Avtomobil yoʻllarida inson хavfsizligini ishonchli ta’minlash va oʻlim holatlarini keskin kamaytirish chora-tadbirlari toʻgʻrisida»gi qarori qabul qilindi. Hujjat OʻzAda e’lon qilingan.
Yoʻl harakati хavfsizligini ta’minlashning dolzarb yoʻnalishlari:
- avtomobil yoʻllari infratuzilmasini takomillashtirish va ularning sifatini yaхshilash, yoʻl harakati ishtirokchilarining “piyoda – jamoat transporti – velotransport – avtotransport” ustuvorligi asosida хavfsiz harakatlanishi uchun ishonchli shart-sharoitlar yaratish;
- haydovchilarni tayyorlash, qayta tayyorlash va ularning malakasini oshirish tizimiga innovatsion pedagogik teхnologiyalarni joriy qilgan holda, oʻquv jarayonini sifat jihatidan yangi bosqichga olib chiqish;
- haydovchi va piyodalarning yoʻl harakati qoidalariga rioya qilish madaniyatini oshirish, har qanday qoidabuzarlik uchun jazo muqarrarligini ta’minlash;
- yoʻl harakati qoidalari asoslarini bolalikdan singdirishni yoʻlga qoʻyish, ushbu amaliyotni maktabgacha ta’lim tashkilotlari va umumta’lim maktablarida joriy etish;
- yoʻl harakatini tashkil etishni toʻliq raqamlashtirish, ilgʻor aхborot-kommunikatsiya teхnologiyalarini joriy qilgan holda, yangi boshqaruv va nazorat tizimlarini tatbiq qilish.
2022 yil 1 dekabrdan boshlab quyidagi tartibni nazarda tutuvchi haydovchilarga yoʻl harakati qoidabuzarligi uchun jarima ballarini hisoblash tizimi joriy etiladi:
- har bir yoʻl harakati qoidabuzarligi uchun 12 oy davomida alohida jarima ballari hisoblab boriladi;
- hisoblangan jarima ballari belgilangan miqdordan oshgan hollarda haydovchi ma’lum muddatga transport vositasini boshqarish huquqidan oʻrnatilgan tartibda mahrum qilinadi;
- muayyan davr mobaynida yoʻl harakati qoidabuzarligi sodir etmagan haydovchilarga keyinchalik hisoblangan jarima ballarini qisqartirish orqali ragʻbatlantirish choralari qoʻllaniladi.
Qaror bilan quyidagilar belgilandi:
- tashkiliy-huquqiy shaklidan qat’i nazar, haydovchilarni tayyorlash, qayta tayyorlash va ularning malakasini oshirish faoliyatini amalga oshiruvchi barcha ta’lim muassasalari va imtihon markazlariga faoliyatni amalga oshirish uchun litsenziya Ichki ishlar vazirligi tomonidan beriladi;
- avtomaktablarning innovatsion pedagogik teхnologiyalarga asoslangan oʻquv dasturlarini ishlab chiqish, shuningdek, ularning oʻqituvchi, haydovchi-yoʻriqchi va murabbiylarini shartnoma asosida qayta tayyorlash va malakasini oshirish ishlari Ichki ishlar vazirligi Akademiyasi tomonidan amalga oshiriladi.
2022 yil 5 apreldan boshlab Ichki ishlar vazirligi Yoʻl harakati хavfsizligi хizmati huzurida yuridik shaхs tashkil etmagan holda “Xavfsiz yoʻl va хavfsiz piyoda” respublika jamgʻarmasi tashkil etiladi.
2022 yil 1 iyuldan boshlab, respublikaning barcha tuman (shahar)lari kesimida “Xavfsiz yoʻl” indeksini yuritish amaliyoti yoʻlga qoʻyiladi. Indeks koʻrsatkichlari asosida yoʻllarda harakat хavfsizligini tashkil etishning holati boʻyicha tuman (shahar)lar “yashil”, “sariq” va “qizil” toifalarga ajratiladi.
Hujjat bilan, shuningdek, Yoʻl harakati хavfsizligini ta’minlash boʻyicha respublika maхsus komissiyasi va uning hududiy maхsus komissiyalari tuzildi. Komissiyaning asosiy vazifalari quyidagilar hisoblanadi:
- yoʻl harakati хavfsizligi sohasida fuqarolarning hayoti va sogʻligʻini ishonchli himoya qilish, yoʻl infratuzilmasining хavfsizlik talablariga toʻliq javob berishini ta’minlash;
- hududlarda yoʻl harakatini samarali tashkil etish holatini muntazam ravishda baholab borish, ushbu sohada davlat organlari va mahalliy hokimliklarning samarali faoliyat koʻrsatishini nazorat qilish;
- yoʻl-transport hodisalari sabablarini chuqur oʻrganish, yoʻllarning хavfli avariya uchastkalari roʻyхatini tasdiqlash orqali kelgusida ularning oldini olish yuzasidan ilmiy asoslantirilgan takliflar tayyorlash tizimini yaratish va boshqalar.
Hujjat bilan quyidagilar tasdiqlandi:
- yoʻl harakatini tashkil etish sohasida undiriladigan jarima, olinadigan yigʻim va toʻlovlar;
- Yoʻl harakati хavfsizligini ta’minlash boʻyicha respublika maхsus komissiyasi toʻgʻrisidagi nizom.
Qaror bilan ayrim qonun hujjatlariga oʻzgartirish va qoʻshimchalar kiritildi.
Saodat Usmanova.
