Қонунчиликдаги янгиликлар

Марказий банк Бошқарувининг қарори (Адлия вазирлиги томонидан 2015 йил 5 августда 1885-1-сон билан рўйхатдан ўтказилган) билан Тижорат банкларида қимматли қоғозлар билан амалга ошириладиган операцияларнинг бухгалтерия ҳисоби тўғрисидаги Йўриқномага ўзгартиришлар киритилди

Адлия вазирининг буйруғи билан (Адлия вазирлиги томонидан 29.07.2015 йилда 2285-1-сон билан рўйхатга олинган) Юридик хизматларининг маълумотлар базасини шакллантириш ва юритиш, маълумотлар базасига киритиш учун маълумот тақдим этиш шакллари ва муддатларини белгилаш тартиби тўғрисидаги низомга ўзгартиришлар киритилди

Вазирлар Маҳкамасининг 27.07.2015 йилдаги 206-сон қарори билан Ўзбекистон вакилларининг Японияда ўқишини ташкил этиш бўйича чора-тадбирлар тасдиқланди.

Вазирлар Маҳкамаси “Вазирлар Маҳкамасининг 2000 йил 29 июндаги “Биржадан ташқари валюта бозорини янада ривожлантириш ва мустаҳкамлаш чора-тадбирлари тўғрисида”ги 245-сон қарорига ўзгартиришлар киритиш тўғрисида”ги қарор лойиҳасини ишлаб чиқди.

Молия вазирлиги ва Давлат солиқ қўмитасининг қўшма қарори билан Айрим хизматларни кўрсатаётган юридик шахслар учун фойда солиғи ва ягона солиқ тўлови бўйича солиқ имтиёзларини қўллаш тартиби тўғрисидаги Низомга ўзгартириш ва қўшимчалар киритилди.

Вазирлар Маҳкамасининг 20.07.2015 йилдаги 197-сон қарори билан экспорт-импорт операцияларини амалга оширишда давлат божхона хизмати органларига тақдим этиладиган ҳужжатлар Рўйхати тасдиқланди.

Вазирлар Маҳкамасининг 20.07.2015 йилдаги 198-сон қарори билан Ҳукуматнинг айрим қарорларига ўзгартиришлар ва қўшимча киритилди.

Давлат қўмитасининг қарори билан (Адлия вазирлиги томонидан 23.07.2015 йилда 1410-6-сон билан рўйхатга олинган) Давлат акциялар пакет (улушлари)ни ишончли бошқарувга бериш бўйича танловлар ўтказиш қоидаларига ўзгартиришлар киритилди.

Вазирлар Маҳкамасининг 10.07.2015 йилдаги 187-сон қарори билан Давлатнинг хориждан маблағ жалб қилиши тўғрисидаги шартномалар бўйича юридик хулосалар бериш тартиби ҳақидаги Низом тасдиқланди.

Вазирлар Маҳкамаси ҳузуридаги Давлат тест маркази директорининг буйруғи билан (Адлия вазирлиги томонидан 14.07.2015 йилда 2698-сон билан рўйхатга олинган) Ўзбекистон Республикаси Банк-молия академияси магистратурасига кириш тест синовларини ташкил этиш ва ўтказиш тартиби тўғрисидаги Низом тасдиқланди.

Ўзбекистон Республикаси Президенти Ислом Каримов 2015 йил 17 июлда “Ўзбекистон Республикаси давлат мустақиллигининг 24 йиллик байрамига тайёргарлик кўриш ва уни ўтказиш тўғрисида”ги Қарорни имзолади.

2015 йил 9 июль куни Тошкент шаҳар ҳокимининг “Тошкент шаҳридаги турар ва нотурар жой объектлари ҳамда кўрсатилган коммунал хизматлар учун тўловларнинг мониторингини ташкил этиш тўғрисида”ги қарори қабул қилинди.

Вазирлар Маҳкамасининг 3.07.2015 йилдаги 180-сон қарори билан жиноий фаолиятдан олинган даромадларни легаллаштиришга ва терроризмни молиялаштиришга қарши курашиш бўйича миллий тизимининг такомиллаштирилиши муносабати билан Ҳукуматнинг айрим қарорларига ўзгартиришлар ва қўшимчалар киритилди.

Вазирлар Маҳкамасининг 3.07.2015 йилдаги 179-сон қарори билан Корхона ва ташкилотларнинг Ягона давлат регистрига ўзгартиришлар ва қўшимчалар киритилди

Вазирлар Маҳкамасининг 2015 йил 29 июндаги 172-сон қарори билан Банк-молия академияси магистратурасига 2015/2016 ўқув йили учун қабул квоталари ва уларни “Инвестицияларни бошқариш (реал сектор учун)” мутахассислиги бўйича тақсимлаш тасдиқланди

Марказий банк бошқарувининг қарори билан (Адлия вазирлиги томонидан 3.06.2015 йилда 2678-сон билан рўйхатга олинган) Ўзбекистон Республикаси Марказий банки томонидан жисмоний шахслар-резидентларга нақд хорижий валютани Ўзбекистон Республикаси ҳудудидан ташқарига олиб чиқишга рухсатномалар бериш тартиби тўғрисидаги янги Низом тасдиқланди.

Президентнинг 2015 йил 15 майдаги ПФ-4725-сон Фармонига асосан микрофирмалар, кичик корхоналар ва фермер хўжаликларида текширув ўтказиш тартибига ўзгартиришлар киритилди.

Ўзбекистон Республикаси Президентининг 2014 йил 4 декабрдаги “Ўзбекистон Республикасининг 2015 йилги асосий макроиқтисодий кўрсаткичлари прогнози ва Давлат бюджети параметрлари тўғрисида”ги ПҚ-2270-сон Қарорининг 10-2-иловасига мувофиқ, савдо ва умумий овқатланиш корхоналари, шу жумладан микрофирмалар ва кичик корхоналар учун ягона солиқ тўловининг 2015 йилги ставкалари тасдиқланган.

Соғлиқни сақлаш вазирининг буйруғи билан (АВ томонидан 17.04.2015 йилда 2667-сон билан рўйхатга олинган) меҳнатга лаёқатсизлик варақаларини бериш тартиби тўғрисидаги янги Йўриқнома тасдиқланди. Аввал амалда бўлган Йўриқнома (19.01.2000 йилдаги 873-сон) ўз кучини йўқотди.

Соғлиқни сақлаш вазирининг буйруғи билан (Адлия вазирлиги томонидан 11.05.2015 й.да 2671-сон билан рўйхатга олинган) шифокор рецептисиз сотиладиган дори воситалари Рўйхати тасдиқланди