Ўзбекистонга келган чет эл фуқаролари сони 2,3 марта ортганлиги таъкидланмоқда, бу эса мамлакатимизда туризм ривожланаётганлигидан далолат беради. 2018 йилда Ўзбекистонга 6,4 млн (2017 йилда – 2,8 млн) киши ташриф буюрган.
Республикамизга келган чет эл фуқароларининг асосий қисми Қозоғистон Республикасидан – 2 456,9 минг киши (умумий сонининг 38,2%и), Тожикистондан – 1 700,7 (26,4%), Қирғизистондан – 1 101,5 (17,1%), Россиядан – 460,2 минг киши (7,2%) эканлиги таъкидланди.
Узоқ хорижий давлатлардан эса, Туркиядан – 74,8 минг киши (1,2%), Хитойдан – 37,1 (0,6%), Жанубий Кореядан – 32,7 (0,5%), Ҳиндистондан – 22,2 (0,3%), Германиядан – 19,1 (0,3%) ва Япониядан – 17,2 минг киши (0,3%) ташриф буюрган.
Ўзбекистонга келган чет эл фуқароларининг асосий сафар мақсадлари қариндошларини йўқлаш (73,2%) бўлган. Сайёҳлик мақсадида келганлар – 7,1%, хизмат юзасидан – 0,9%, даволаниш мақсадида – 0,8%, ишлаш учун – 0,6% ва ўқишга келганлар – 0,2%ни ташкил қилди.
Мамлакатимизга келганлар орасида эркаклар 53,1%ни, аёллар эса 46,9%ни ташкил этди.
Давлат статистика қўмитасининг «Ўзбекистон Республикасига келган ва кетган шахслар сони (2018 йил январь-декабрь)» ҳисоботи.
