ТИВ, ИИВ ва Олий суд Ўзбекистон Республикасида аккредитация қилинган хорижий давлатлар дипломатик ваколатхоналари ва консуллик муассасалари, шунингдек уларга тенглаштирилган ташкилотлар ходимларига нисбатан йўл ҳаракати қоидаларини бузганлик учун маъмурий жавобгарлик чораларини қўллаш ҳақида йўриқномага тузатишлар устида ишламоқда. Бу ҳақда Uzbekistan24 хабар беради.
Ҳужжат билан дипломатик транспорт ҳайдовчиларини автоматлаштирилган видеоқайд қилиш тизими ёрдамида қайд қилинганда улар томонидан ЙҲҚ бузилганлиги учун жавобгарликка тортиш тўғрисидаги нормалар билан тўлдириш таклиф қилинмоқда.
Ўзгартиришлар суд ёки бошқа ваколатли орган томонидан маъмурий жазо қўллаш тўғрисида қарор қабул қилиш тартибига ҳам дахл қилади. Бундан ташқари, ЙҲҚни бузганлик учун жарима тўлаш шаклларини кенгайтириш режалаштирилаётир.
