ССП ГФРда стажировка ўташ учун қабул эълон қилади

Стажировка йўналишлари:

• «Немис корхоналари билан умумий иқтисодий кооперация» (2017 йил, июнь, 20 нафар киши);
• «Энергия самарадорлиги соҳасида иқтисодий кооперация» (2017 йил, сентябрь, 2 нафар киши);
• «Чиқиндиларни утилизация қилиш соҳасида иқтисодий кооперация» (2017 йил, октябрь, 2 нафар киши);
• «Соғлиқни сақлаш соҳасида иқтисодий кооперация» (2017 йил, ноябрь, 5 нафар киши).

Стажировка инглиз тилида ўтказилади. Ҳужжатларни қабул қилиш санаси: 2017 йилнинг 30 январидан 28 февралига қадар.

Иштирок этиш учун зарур ҳужжатлар рўйхати:

• Иштирокчи анкетаси;
• Иш жойидан маълумотнома;
• Паспорт нусхаси;
• Меҳнат дафтарчаси нусхаси;
• Олий маълумот тўғрисидаги диплом нусхаси;
• ССПга аъзолик тўғрисидаги шартнома нусхаси;
• Солиқ органларидан қарзи мавжуд эмаслиги тўғрисида маълумотнома;
• Тижорат банкидан қарзи мавжуд эмаслиги тўғрисида маълумотнома.

Стажировка вақтида Германияда ўқиш ва яшаш бўйича барча харажатлар Германия Федерал иқтисодиёт ва энергетика вазирлиги томонидан қопланади. Бунда апрель ойида Тошкентда 6 кунлик стажерларни ўқитиш бўйича мажбурий тайёрлов курсида иштирок этиш юзасидан овқатланиш ва авиаучиш учун  харажатлар юбораётган корхона (ёки иштирокчиларнинг ўзлари) томонидан тўланади.

Номзодларни танлашда иштирок этиш учун  мажбурий мезонлар:

• Савдо-саноат палатасига аъзолик;
• Номзоднинг ўрта ёки юқори бошқарув бўғини менежери сифатидаги стажи – камида охирги 2 йил;
• Номзоднинг ёши –45 ёшдан ошмаган бўлиши;
• Олий маълумот;
• Инглиз тилида эркин сўзлашиш ва ёзиш.

Бу муҳим!  

Танлаш бўйича интервьюга фақат Савдо-саноат палатаси аъзоси бўлган тадбиркорлар қўйилади. Интервью инглиз тилида ўтказилади.

Рўйхатда кўрсатилган барча ҳужжатлар (анкетани www.chamber.uz сайтидан ёки СППнинг «Telegram»даги расмий боти «ТПП Обучение (@uzchamber_education_bot)» орқали юклаб олиш зарур) файл жилдда бирйўла тўлиқ ҳажмда ва қоғозда Савдо-саноат палатасида қуйидаги манзил бўйича тақдим қилинади: Тошкент шаҳри, Амир Темур кўчаси, 4. Тўлдирилган анкета ва паспортни электрон шаклда  sa.babakulov@chamber.uz почта қутисига жўнатиш зарур.

Стажировка бўйича қўшимча маълумотларни (+998 71) 150-60-06 (Сардор Бабакулов, бош мутахассис) телефон рақами орқали олиш мумкин.