“Ўзстандарт” агентлиги томонидан ягона порталда рўёбга чиқарилган янги хизмат ташкилотларга стандартлаштириш бўйича норматив ҳужжатларни экспертизадан ўтказиш юзасидан буюртмани онлайн тарзда бериш имконини беради.
Ариза беришда унга норматив ҳужжат лойиҳаси (Tst, O‘zDSt) электрон шаклда илова қилинади. Уч иш куни мобайнида ариза берувчи шартнома лойиҳасини олади.
Ариза кўриб чиқилгандан сўнг ариза берувчи билан “Ўзстандарт” агентлиги ҳузуридаги “Ахборот-маълумот маркази” ДКда стандартлаштириш бўйича норматив ҳужжатларни экспертизадан ўтказиш юзасидан шартнома тузилади. Ўтказилган экспертизадан кейин норматив ҳужжатни давлат рўйхатидан ўтказиш ва уни стандартлаштириш бўйича норматив ҳужжатлар давлат фондига киритиш интерактив хизматнинг охирги натижаси ҳисобланади.
Хизмат пулли ҳисобланади ҳамда фақат юридик шахсларга кўрсатилади. Қиймати ва унинг учун тўловни амалга ошириш тартиби ташкилот ва ариза берувчи ўртасида тузилган шартномага биноан Молия вазирлиги томонидан 19-03-22-05-UzR-19-2012-сон билан рўйхатга олинган прейскурант бўйича амалга оширилади.
Хизматни ижро этишни рад этиш сабаби бўлиб ваколатли органлар билан тегишли келишувнинг йўқлиги ва ариза шаклини нотўғри тўлдириш хизмат қилиши мумкин.
Мавзу бўйича мақолалар:
ИДХЯП орқали юридик шахслар учун барча солиқ имтиёзлари ҳақида маълумот олиш мумкин
ИДХЯПда уй-жой мулкдорлари учун янги хизмат
Уйда ижтимоий хизмат кўрсатишга қабул қилишни Интернет орқали сўраш мумкин
