Ўзбекистон бухгалтерлар Федерацияси ЎБФнинг амалдаги аъзолари ва акциядорлик жамиятларининг МҲХСни жорий қилиш департаментлари раҳбарларини ҳар йили ўтказиладиган “Молиявий ҳисоботлар халқаро стандартларига бағишланган кузги ўқишлар” номли бепул семинарларга таклиф қилади.
Семинарлар 10 ноябрдан 12 ноябрга қадар бўлиб ўтади. Ташкилотчилар уларнинг ишига халқаро аудиторлик ташкилотлари экспертларини жалб қилади.
Тадбир Президентнинг “Акциядорлик жамиятларида замонавий корпоратив бошқарув услубларини жорий этиш чора-тадбирлари тўғрисида” 24.04.2015 йилдаги ПФ-4720-сон Фармонини ижро этиш юзасидан ҳамда Халқаро бухгалтерлар федерацияси аъзоларининг мажбуриятлари тўғрисидаги низом, хусусан 7-сон МҲХС талабларини бажариш учун ўтказилаётир.
Тадбирлар дастури:
1 кун: сешанба, 10.11.2015 й.
Ташкилотчи: «Deloitte va Touche» Халқаро аудиторлик ташкилоти.
Мавзу: МҲХС (IFRS) 1 – Биринчи қўллаш.
2 кун: чоршанба, 11.11.2015 й.
Ташкилотчи: «Ernst & Young» Халқаро аудиторлик ташкилоти.
Мавзу: МҲХС (IFRS) 13– Ҳаққоний қийматни баҳолаш.
3 кун: пайшанба, 12.11.2015 й.
Ташкилотчи: «PricewaterhouseCoopers» Халқаро аудиторлик ташкилоти.
Мавзу: МҲХС (IFRS) 10 – Консолидациялашган молиявий ҳисобот ва МҲХС (IFRS) 11 – Бошқа корхоналарда иштирок этиш тўғрисидаги ахборотни ошкор қилиш.
Семинарларда иштирок этиш истагида бўлганлар 8.11.2015 йилгача ўз хоҳишларини е-mail: info@uzaccountant.uz га қатнашиш учун буюртма юборган ҳолда тасдиқлашлари лозим.
Семинарлар Ўзбекистон бухгалтерлар Федерацияси биносида ўтказилади. Иштирокчиларни рўйхатга олишни бошлаш – 18.00 да.
Машғулотларни ўтказиш вақти – 18.30–21.20.
