Вазирлар Маҳкамаси ҳузуридаги Агентлик тугатилмоқда

Эслатиб ўтамиз, мазкур Агентлик қонун ҳужжатларига мувофиқ Ўзбекистон Республикаси Президенти ёки Вазирлар Маҳкамаси томонидан тасдиқланадиган қуйидаги инвестиция лойиҳаларининг дастлабки ва якуний техник-иқтисодий асосланишини ва ҳисоб-китобларини (ДТИА/ТИА, ДТИҲ/ТИҲ) экспертизадан ўтказар эди. Батафсил – бу ерда.

Қарор инвестиция лойиҳаларининг тайёргарлик тартиботларини ишлаб чиқиш ва тезлаштириш механизмини такомиллаштириш учун қулай шарт-шароитларни яратиш ҳамда илғор хорижий тажриба асосида лойиҳа олди ҳужжатларини тайёрлаш сифатига путур етказмасдан уларни экспертизадан ўтказиш тартибини соддалаштириш мақсадида қабул қилинган.

Агентликнинг ваколатлари қўйидагиларга ўтади:

• «Ўзбекэкспертиза» АЖ – импорт шартномаларининг инвестиция лойиҳаларини, шу жумладан "тўлиқ тайёр" лойиҳаларни амалга ошириш доирасида харид қилинаётган ускуналар, техника ва технологияларнинг нарх параметрлари қисмини экспертизадан ўтказиш учун.

• Тармоқ вазирлик ва идоралар кенгашларига (инвестиция лойиҳалари ташаббускорлари) – тендер ва лойиҳа олди ҳужжатлари, технологиялар ва ускуналарни танлаш, таклиф қилинаётган технологиялар ва ускуналарни баҳолашни экспертизадан ўтказиш.

Ҳукуматга «Ўзбекэкспертиза» АЖ фаолиятини унинг ишига экспорт-импорт операцияларининг маркетинг таҳлили соҳасидаги малакали ва тажрибали мутахассисларни, шу жумладан бошқа ваколатли органлар ходимларини жалб қилган ҳолда "Ўзбекэкспертиза" АЖ фаолиятини такомиллаштириш бўйича қарор қабул қилиш топширилди.