? Мен якка тартибдаги тадбиркорман. Савдо-сотиқ билан шуғулланаман, турғун шохобчага эгаман. Мен тўловлар қабул қилиш бўйича Paynet шохобчасини ҳам очишим мумкинми?
− Paynet тизими Paynet шохобчалари деб аталадиган агентлар орқали тўловлар қабул қилади. Уяли алоқа хизматлари, Интернет, коммунал ва бошқа тўловларни тўлаш бўйича ушбу тизимдан республикамизнинг барча ҳудудида аҳоли муваффақиятли фойдаланиб келмоқда.
Вазирлар Маҳкамасининг қарори (7.01.2011 йилдаги 6-сон) билан Хусусий тадбиркорлар юридик шахс ташкил этмасдан шуғулланиши мумкин бўлган фаолият турлари Рўйхати тасдиқланган.
Рўйхатнинг 72-бандига, айнан: телекоммуникациялар операторларига, провайдерларига воситачилик хизматлари кўрсатиш (абонентлар ёки хизматлар кўрсатувчиларга маълумот-ахборот хизмати кўрсатиш, хизмат кўрсатувчиларнинг хизмати учун тўловларни қабул қилиш)га биноан – якка тартибдаги тадбиркорларга Paynet хизматлари кўрсатишга рухсат берилади.
Елена ЕРМОХИНА,
бизнинг эксперт-юристимиз.
