“Кексалар, ногиронлар ва аҳолининг бошқа ижтимоий ҳожатманд тоифаларига ижтимоий хизматлар тўғрисида”ги Қонун парламент қуйи палатаси томонидан қабул қилиниб,Сенат томонидан маъқулланди.
- www.norma.uz
- Парламент хабарлари
- Аҳолининг ижтимоий ҳожатманд тоифалари доимий эътиборда
Аҳолининг ижтимоий ҳожатманд тоифалари доимий эътиборда
21.10.2016
Айтиш жоизки, Қонунчилик палатасидаги тегишли қўмита, сиёсий партиялар фракциялари ҳамда Ўзбекистон Экологик ҳаракати депутатлар гуруҳининг йиғилишларида қонун лойиҳаси кўриб чиқилиб, атрофлича муҳокама қилинган эди.
Мустақилликка эришилгандан сўнг ўтган 25 йил мобайнида Ўзбекистонда ижтимоий ҳимояга муҳтож шахсларга ижтимоий хизматлар кўрсатишнинг комплекс тизими яратилганлиги таъкидланди. Шунингдек, бугунги кунда аҳолига ижтимоий хизматлар кўрсатиш жараёни бир қатор қонунлар ва қонуности ҳужжатлари билан ҳам тартибга солиб келинмоқда. Аммо, амалдаги қонун ҳужжатларини таҳлил қилиш ижтимоий хизматлар кўрсатилишини ташкил этишга тизимли ёндашув талаб этилишини кўрсатди. Қабул қилинган Қонун айнан шу мақсадга хизмат қилади.
Ижтимоий-иқтисодий ислоҳотлар чуқурлашаётган шароитларда кексалар, ногиронлар ва аҳолининг бошқа ижтимоий ҳожатманд тоифаларига кўрсатиладиган ижтимоий хизматларнинг имкон қадар манзилли бўлишини қонун ҳужжатлари билан мустаҳкамлаш мақсадга мувофиқ ҳисобланади. Қонун аҳолининг муайян қатламларини ижтимоий ҳимоя қилишнинг ҳуқуқий асоси бўлиб хизмат қилади. Қонунда аҳолининг ижтимоий ҳимояга муҳтож қатламлари, уларни аниқлаш мезонлари, кўрсатилиши мумкин бўлган ижтимоий хизматлар аниқ белгиланади. Натижада давлат бюджетидан ажратиладиган маблағларнинг мақсадли йўналтирилишини ва, зарур бўлганда, аҳолининг тегишли гуруҳларини жорий эҳтиёжларига қараб маблағлар қайта тақсимланишини таъминлайди.
Қонун ижтимоий хизматлар кўрсатиш мониторингини олиб бориш ва баҳолаш механизмларининг белгилаб олиниши ижтимоий ҳимоя тизимининг жамоатчилик назорати учун очиқ бўлишига имкон беради, фуқаролик жамияти институтларининг янада ривожланишига кўмаклашади, фуқароларнинг ўзини ўзи бошқариш органлари ва ижтимоий масъул бизнеснинг ролини оширади. Қонунда назарда тутилган идоралараро ҳамкорлик ва ижтимоий шериклик мамлакатимизда ижтимоий хизматлар кўрсатувчиларнинг тўлиқ рўйхатини тузиш учун асос яратади.
Маъруф УСМАНОВ
Мавзу бўйича материаллар:
Бандликни таъминлаш – парламент учун устувор масала!
Депутатлар қонун лойиҳаларини муҳокама қилишди
Янги сонларда ўқинг
- Давлат мулкини бошқариш: нималар ўзгарди
- «Меҳнат миграцияси жараёнларини такомиллаштириш ҳамда хорижда вақтинча меҳнат фаолиятини амалга ошираётган шахсларни қўллаб-қувватлашга доир қўшимча чора-тадбирлар тўғрисида» (Кўчирма)
- Раҳбар қандай қилиб бухгалтерни назорат қилсин
- Букмекерлик фаолиятига рухсат берилди
- «Ижтимоий шериклик механизмларининг янада такомиллаштирилиши муносабати билан социал ва ижтимоий аҳамиятга молик лойиҳаларни амалга ошириш учун давлат бошқаруви органлари томонидан давлат ижтимоий буюртмаси бериш тартиби тўғрисидаги низомга ўзгартириш ва қўшимчалар киритиш тўғрисида» (Кўчирма)