Асосий солиқлар бўйича ставкалар сақлаб қолинди

Қуйидаги солиқлар ва мажбурий тўловлар бўйича ставкалар 2016 йилги даражада сақлаб қолинди:

• ЖШДС –ноль, энг кам - 7,5%, ўрта - 17% ва энг юқори - 23% ставкали тўрт босқичли шкала;
• ЯИТ – микрофирмалар, кичик корхоналар ва фермер хўжаликлари – 15%; бошқа тўловчилар учун – 25%;
• ЯСТ – фаолият турига боғлиқ ҳолда;
• Дивидендлар ва фоизлар кўринишида тўланадиган даромадлардан олинадиган солиқ – 10%;
• ҚҚС – 20%;
• Фойда солиғи – базавий - 7,5%; тижорат банклари учун – 15%; аукционлар ўтказишдан, юридик шахсларнинг аукционлардан ва концерт-томоша фаолияти билан шуғулланишга лицензияси бўлган юридик ва жисмоний шахсларни (шу жумладан норезидентларни) жалб этиш йўли билан оммавий томоша тадбирларини ташкил этишдан олган даромади (фойдаси)га – 35%;
• ободонлаштириш ва ижтимоий инфратузилмани ривожлантириш  солиғи – 8%;
• Давлат мақсадли жамғармаларига мажбурий ажратмалар:

- Пенсия жамғармаси – 1,6%; 

- Республика йўл жамғармаси – 1,4 %; 

- Умумтаълим мактаблари, касб-ҳунар коллежлари, академик лицейлар ва тиббиёт муассасаларини реконструкция қилиш, мукаммал таъмирлаш ва жиҳозлаш жамғармаси – 0,5%;

• юридик шахслардан олинадиган  мол-мулк солиғи – 5%;
• ер қаъридан фойдаланувчилар учун солиқ ва махсус тўловлар – ер қаъридан фойдаланганлик учун солиқ, қўшимча фойда солиғи, бонуслар;
• ягона ер солиғи – 0,95%;
• Республика йўл жамғармасига йиғимлар ва ажратмалар;
• товарларнинг айрим турлари билан савдо қилиш ва айрим турдаги хизматларни кўрсатиш ҳуқуқи учун йиғим.

Мазкур ҳужжатнинг тўлиқ матни билан, у билан боғланган бошқа қонун ҳужжатларига шарҳлар ва ҳаволалар билан «Ўзбекистон Республикаси қонунчилиги» ахборот-қидирув тизимида танишиш мумкин.

Ирина Ахметова
экспертимиз.