25.08.2023 йилда Вазирлар Маҳкамасининг “Давлат театрлари ва концерт-томоша муассасалари фаолиятини баҳолаш, тоифалари (гуруҳлари)ни белгилаш ҳамда рағбатлантириш тартиби жорий этилиши муносабати билан Вазирлар Маҳкамасининг «Давлат театрлари ва концерт-томоша муассасалари фаолиятини янада такомиллаштириш чора-тадбирлари тўғрисида» 2019 йил 18 апрелдаги 329-сон қарорига ўзгартиришлар киритиш ҳақида”ги 423-сон қарори қабул қилинди.
Ҳужжат билан давлат театрлари ва концерт мауассасалари фаолиятини баҳолаш рейтинги белгиланмоқда. Энг юқори баҳо – 100 балл. Рейтингдан келиб чиқиб улар тоифа (гуруҳ)ларга тақсимланади.
Маълумот учун: тоифа (гуруҳ)га қараб ходимларнинг базавий ойлик маоши миқдори белгиланади.
Давлат театрлари ва концерт муассасалари учун 8 та мезон ўрнатилмоқда, улар қаторида – янги спектакллар сони, шахсий бино ва техниканинг мавжудлиги, веб-саҳифани юритилиш ҳолати ва бошқалар (тўлиқ рўйхат билан шу ерда танишиш мумкин).
Мисол учун, 100 баллни тўплаш учун давлат театри:
- йилига камида 4 та янги спектакль қўйиши;
- жорий репертуарда камида 25 спектаклга эга бўлиши;
- бир йилда камида 240 спектакль қўйиши;
- камида 2 та халқаро ва 6 та республика миқёсидаги гастроль ташкил этиши;
- зални ўртача камида 70 нафар томошабин билан тўлдириш;
- муассасанинг умумий ҳаражатларига даромадлар улуши 15 % ташкил этиши;
- веб-саҳифасининг камида 80% га юритилиши.
Ҳужжат Қонун ҳужжатлари маълумотлари миллий базасида эълон қилинган ва 26.08.2023 йилдан кучга кирди.
Собир Нурбердиев
