Қишлоқ ва сув хўжалиги вазирининг буйруғи (рўйхат рақами 1523-3, 19.02.2018 й.) билан Фермер хўжалигини юритиш учун ер участкаларини беришда танлов ғолибини аниқлаш тартиби тўғрисидаги низомга ўзгартиришлар ва қўшимча киритилди.
Эслатиб ўтамиз, ушбу ҳужжат лойиҳаси ҚҲТБТ порталида муҳокамага қўйилганда, биз унга шарҳни эълон қилган эдик.
Якуний версияда фермер хўжалигини юритиш учун ер участкаларини олиш учун танловда тўпланган баллар сони тенг бўлганда, фермер хўжалиги ташкил этилаётган жойда яшовчи шахсларга, шунингдек тавсияга эга бўлганларга ер участкалари ажратилиши қоидасидан воз кечилган. Тўпланган баллар сони тенг бўлганда Ёшлар иттифоқининг тавсияси ҳисобга олинмайди. Демак, устуворлик маҳаллий аҳоли вакилларига берилади.
Бироқ, режалаштирилганидек, Ёшлар иттифоқининг тавсияси бўлганда баҳоланиши мумкин бўлган 80 баллдан 10 балл қўшилади.
Бундан ташқари, белгиланишича, Ер участкалари бериш (реализация қилиш) масалаларини кўриб чиқувчи комиссияга маълумоти тўғрисидаги ҳужжат, техника воситалари техник паспортлари, меҳнат дафтарчасининг асл нусхалари тақдим этилади (иш жойида тасдиқланган меҳнат дафтарчасининг кўчирма нусхаси тақдим этилиши мумкин). Комиссия, ҳужжатлардан керакли нусхаларни кўчириб бўлгач, асл нусхаларни қайтариб бериши шарт.
Ҳужжат Қонун ҳужжатлари маълумотлари миллий базасида эълон қилинган ва 20.05.2018 йилдан кучга киради.
Мазкур ҳужжатнинг тўлиқ матни, шарҳлар ва у билан боғлиқ бошқа қонун ҳужжатларига ҳаволалар билан «Ўзбекистон Республикаси қонун ҳужжатлари» ахборот-қидирув тизимида танишиш мумкин.
Самир Латипов.
