Президентнинг 12.01.2018 йилдаги «Ватан ҳимоячилари куни ва Ўзбекистон Республикаси Қуролли Кучларининг 26 йиллиги муносабати билан ҳуқуқни муҳофаза қилиш органлари, мудофаа ва фавқулодда вазиятлар вазирликлари ходимларидан бир гуруҳини мукофотлаш тўғрисида»ги Фармони эълон қилинди. Ҳужжат ЎзАда жойлаштирилган.
Давлатимиз раҳбари давлатимизнинг мудофаа қудратини янада юксалтириш, миллий хавфсизликни ва давлат чегаралари дахлсизлигини таъминлаш ишига қўшилаётган катта ҳисса тўғрисида тўхталди.
Хизмат бурчини бажариш чоғида мардлик, жасорат ва фидойилик кўрсатгани учун ҳарбий хизматчилар «Меҳнат шуҳрати» (2 киши), II даражали «Шон-шараф» (4 киши.), «Дўстлик» (2 киши), «Мардлик» (8 киши) орденлари ва «Жасорат» (30 киши), «Содиқ хизматлари учун» (26 киши) «Шуҳрат» (34 киши) медаллари билан мукофотланди.
Маълумот учун. Давлат мукофотларига лойиқ топилган шахслар бир йўла пул мукофоти билан тақдирланади, хусусан:
- «Меҳнат шуҳрати» ордени – ЭКИҲнинг 40 баравари;
- II даражали «Шон-шараф» ордени – ЭКИҲнинг 20 баравари;
- «Дўстлик» ордени – ЭКИҲнинг 30 баравари;
- «Мардлик» ордени – ЭКИҲнинг 15 баравари;
- «Жасорат» медали – ЭКИҲнинг 10 баравари;
- «Содиқ хизматлари учун» ордени – ЭКИҲнинг 10 баравари;
- «Шуҳрат» медали – ЭКИҲнинг 5 баравари.
Олег Заманов.
