Вазирлар Маҳкамасининг 08.04.2025 йилдаги «Концерт-томоша фаолиятида жонли ижрони янада рағбатлантириш бўйича қўшимча чора-тадбирлар тўғрисида»ги ВМҚ-207-сон қарори қабул қилинди.
«Жонли ижрочилар реестри», шунингдек 2025 йил 1 майдан бошлаб:
- Давлат бюджети ва бюджетдан ташқари маблағлар ҳисобидан молиялаштириладиган барча концерт-томоша тадбирларида фонограммадан фойдаланиш босқичма-босқич чекланади;
- концерт-томоша тадбирлари рекламаси тегишинча «Жонли ижро», «Фонограммадан фойдаланган ҳолда жонли овоз» ёки «Фонограммали концерт дастури» белгилари кўрсатилиши керак;
- ижодкорларни давлат мукофотларига тавсия этишда, биринчи навбатда, уларнинг жонли ижродаги маҳорати инобатга олинади.
2025 йил 1 июлдан бошлаб:
- Миллий телерадиокомпания (МТРК) телерадиоканалларида жонли ижрода ташкил этиладиган концерт-томоша тадбирлари рекламасини эфирга узатганлик учун тадбир ташкилотчисига 30 фоиз чегирма берилади;
- фонограммадан қисман фойдаланган ҳолда ташкил этиладиган концерт-томоша тадбирлари ташкилотчиларига ижара тўловига 25 фоиз чегирма берилади (коммунал тўловлар бундан мустасно);
- МТРК телерадиоканалларида фонограммадан қисман фойдаланган ҳолда ташкил этиладиган концерт-томоша тадбирлари рекламасини эфирга узатганлик учун тадбир ташкилотчисига 15 фоиз чегирма берилади;
- жонли ижрода ва қисман фонограммадан фойдаланган ҳолда ташкил этиладиган концерт-томоша тадбирлари тегишли телерадиоканал Бадиий кенгашининг ижобий хулосаси асосида МТРК телерадиоканалларида бепул эфирга узатилади.
Шунингдек, Ўзбекистон Республикасида жонли ижрода ва қисман концерт-томоша тадбирларини ташкил этиш ва ўтказиш тартиби тўғрисидаги низом тасдиқланди.
Ҳужжат Қонун ҳужжатлари маълумотлари миллий базасида эълон қилинган ва 09.04.2025 йилдан кучга кирди.
Собир Нурбердиев
