Молия вазирининг буйруғи (рўйхат рақами 1032-4, 2017 йил 4 май) билан Аҳоли томонидан коммунал хизматлар ҳақи ўз вақтида ва тўлиқ тўланишини таъминлагани учун фуқароларнинг ўзини ўзи бошқариш органлари ва хусусий уй-жой мулкдорлари ширкатларини рағбатлантириш тартиби тўғрисидаги низомга ўзгартиришлар киритилди.
Бугун коммунал хизматлар таъминотчилари прогноз тушум 100% бажарилган тақдирда фуқароларнинг ўзини ўзи бошқариш органларининг махсус ҳисобварақларига ҳар ойда тушган маблағларнинг 10%ини ўтказиб, уларни маблағлар йиғишнинг тўлиқлигини таъминлаш бўйича ишга рағбатлантирмоқда.
Бироқ, тузатишлар кучга киргандан сўнг уларнинг молиявий ўзаро муносабатлари қуйидаги тарзда тузилади:
- 100% бажарилганда – тушган тўловлар суммасининг 10%и;
- 75%дан ортиқ бажарилганда - тушган тўловлар суммасининг 5%и;
- электр энергияси бўйича топшириқ 100% бажарилганда – туман (шаҳар) электр таъминоти корхоналари томонидан тақдим қилинган топшириқ-рўйхатда кўрсатилган истеъмолчилардан муддати ўтган дебиторлик қарзи ундирилган сумманинг 2%и.
Ўзгартиришлар Қонун ҳужжатлари тўпламининг 10.05.2017 йилдаги 18 (778)-сонида эълон қилинган пайтдан эътиборан 3 ой ўтгандан кейин кучга киради.
Мазкур ҳужжатнинг тўлиқ матни билан, у билан боғланган бошқа қонун ҳужжатларига шарҳлар ва ҳаволалар билан «Ўзбекистон Республикаси қонунчилиги» ахборот-қидирув тизимида танишиш мумкин.
Олег Заманов,
экспертимиз.
