НҲҲ лойиҳалари: хўжалик ишлари электрон шаклда

Хўжалик иши, яъни ишда иштирок этаётган шахслар ва хўжалик суд иш юритувининг бошқа иштирокчилари томонидан судга тақдим этилган ҳужжатлар, шунингдек ишни кўриб чиқиш вақтида суд томонидан талаб қилиб олинган ҳужжатлар ҳамда судга оид ва бошқа ҳужжатлар электрон шаклда ҳам шакллантирилиши мумкинлиги кўрсатилди. Бунда процесс иштирокчилари судга ҳужжатларни электрон шаклда тақдим этишга ҳақли.

Электрон шаклдаги суд ҳужжатлари судьянинг (судьяларнинг) ЭРИ билан тасдиқланиши керак, суд мажлислари ва процесс ҳаракатлари баённомалари эса суд мажлиси раиси ва котибининг ЭРИ билан тасдиқланади.

Хўжалик ишини электрон шаклда бошқа хўжалик суди ёки бошқа органга узатиш ахборот тизими орқали амалга оширилади.

Электрон шаклда шакллантирилган ишнинг қоғоздаги нусхаси бўлишига рухсат берилади.

Лойиҳа муҳокама босқичида бўлиб, у ўзгартирилиши, қўшимчалар киритилиши ёки бекор қилиниши мумкин.

Олег ЗАМАНОВ,
экспертимиз.