ННТ ҳисоботларни янги шакл бўйича топширади

Эслатиб ўтамиз, ННТ қуйидаги ҳисобот шаклларини топширади:

- Нодавлат нотижорат ташкилотининг фаолияти тўғрисида ҳисобот;

- Нодавлат нотижорат ташкилоти ҳудудий бўлинмасининг фаолияти тўғрисида ҳисобот;

- Халқаро ва хорижий нодавлат нотижорат ташкилоти ваколатхонаси ва филиалининг фаолияти тўғрисида ҳисобот.

Эндиликда ҳисоботларда ННТ томонидан чет давлатлардан, халқаро ва чет эл ташкилотларидан, чет давлатларнинг фуқароларидан олинган мол-мулклар ва улардан фойдаланилиши бўйича маълумотлар, шунингдек ННТ ходимлари (аъзолари, вакиллари)нинг чет мамлакатларга хизмат сафарлари, ННТ фаолияти билан боғлиқ ташрифлари юзасидан маълумотлар ҳам кўрсатилиши керак.

Аниқлаштирилишича, ҳисобот ННТ раҳбари ва ҳисобот тузувчи томонидан имзоланади ва ННТ муҳри билан тасдиқланади.

Ҳисобот шаклларига бошқа ўзгартириш ва қўшимчалар ҳам киритилган.

Белгиланишича, ННТ ҳисоботларни (шу жумладан, амалдаги шакллар бўйича) ўз танловига кўра электрон кўринишда (электрон рақамли имзо билан тасдиқлаган ҳолда) тегишли адлия органининг расмий сайти орқали тақдим этиши мумкин.

Ҳисобот шакллари давлат тилида тасдиқланган ва 2017 йил 1 мартда кучга киради.

Мазкур ҳужжатнинг матни билан, у билан боғланган бошқа қонун ҳужжатларига шарҳлар ва ҳаволалар билан «Ўзбекистон Республикаси қонунчилиги» ахборот-қидирув тизимида танишиш мумкин.

«Ўзбекистон Республикаси қонунчилигида янги» шарҳини

эксперт-юристимиз Сардор ЖУМАШОВ

тайёрлади.