Ярим тиркамалар учун ғилдиракли тракторлар, барча турдаги юк контейнерлари, учувчи аппаратлар, авиация ёқилғиси ва темир йўл техникасига ҳам имтиёзлар берилди (6.03.2019 йилдаги ПҚ–4230-сон қарор).
Қуйидаги товар позициялари 2019 йил 7 мартдан 2022 йил 1 январгача барча божхона тўловларидан, божхона расмийлаштируви учун йиғимлар бундан мустасно, озод этилди:
|
ТИФ ТН коди |
Расшифровкаси |
|
8601 |
Ташқи электр энергия манбасидан таъминланадиган ёки аккумуляторли темир йўл локомотивлари |
|
8602 |
Бошқа темир йўл локомотивлари; локомотивли тендерлар |
|
8603 |
Йўловчи, товар ёки багаж ташувчи моторли темир йўл ёки трамвай вагонлари, очиқ платформалар, 8604-товар позициясига кирадиганларидан ташқари |
|
8604 |
Ўзиюрар ёки ўзи юрмайдиган, темир йўл ёки трамвай йўлларини таъмирлаш ёки уларга техник хизмат кўрсатиш учун мўлжалланган транспорт воситалари (масалан, вагон-устахоналар, кранлар, шпал қоқувчи машиналар, йўлларни рихтовкаловчи машиналар, назорат-ўлчов вагонлари ва йўлларни кўздан кечириш учун транспорт воситалари) |
|
8605 |
Йўловчи ташувчи ўзи юрмайдиган темир йўл ёки трамвай вагонлари; ўзи юрмайдиган, багаж, почта ташувчи ва бошқа махсус темир йўл ёки трамвай вагонлари (8604-товар позициясига кирадиганларидан ташқари) |
|
8606 |
Ўзи юрмайдиган темир йўл ёки трамвай, юк вагонлари |
|
8607 |
Темир йўл локомотивларининг ёки трамвай ёки ҳаракатланувчи таркиб моторли вагонларининг қисмлари |
|
8609 |
Бир ёки бир неча турдаги транспортда ташиш учун махсус мўлжалланган ва жиҳозланган контейнерлар (шу жумладан суюқликлар ёки газларни ташиш учун сиғимлар) |
|
8802 |
Бошқа учувчи аппаратлар (масалан, вертолётлар, самолётлар); космик аппаратлар (шу жумладан йўлдошлар) ҳамда суборбитал ва космик ракета ташувчилар |
|
8701 20 |
Ярим тиркамалар учун ғилдиракли тракторлар |
|
8704 23 |
Транспорт воситасининг тўлиқ массаси 20 т дан ортиқ бўлган юкларни ташиш учун моторли транспорт воситалари (самосваллардан ташқари) |
|
8716 31 |
Тиркама-цистерналар ва ярим тиркама-цистерналар |
|
8716 39 |
Тиркамалар ва ярим тиркамалар; бошқа ўзи юрмайдиган транспорт воситалари; уларнинг қисмлари – бошқа |
Бундан ташқари, авиация ёқилғиси божхона тўловларидан, ҚҚС ва божхона расмийлаштируви учун йиғимлар бундан мустасно, озод этилди.
Ҳужжат Қонун ҳужжатлари маълумотлари миллий базасида эълон қилинган ва 7.03.2019 йилдан кучга кирди.
Самир Латипов.
