Президентнинг 23.07.2026 йилдаги ПҚ-274-сон қарори билан паррандачилик соҳасини қўллаб-қувватлаш бўйича қўшимча чора-тадбирлар белгиланди.
Ҳужжат билан 2026-2027 йилларда Тикланиш ва тараққиёт жамғармасидан "Микрокредитбанк" АТБга босқичма-босқич 10 йил муддатга, 4 йиллик имтиёзли давр билан, йиллик 6 фоиз ставкада 105 млн АҚШ доллари эквивалентида миллий валютадаги маблағлар йўналтириш назарда тутилган.
2026 йил 1 августдан бошлаб ушбу ресурслар ҳисобидан паррандачилик маҳсулотлари ишлаб чиқариш бўйича янги қувватларни ишга тушириш ва "тайёр бизнес" лойиҳалари (27.06.2024 йилдаги ПҚ-238-сон қарорга мувофиқ) "Микрокредитбанк" АТБ 10 йилгача муддатга, шу жумладан 4 йиллик имтиёзли давр билан, йиллик 10 фоиз ставкада (шу жумладан банк маржаси 4 фоиз) кредитлар ажратади.
Шунингдек, паррандачилик хўжаликлари, паррандалар учун омухта ем ишлаб чиқарувчилар ва "тайёр бизнес" лойиҳаларини молиялаштириш учун 2026 йил 1 сентябрдан бошлаб "Микрокредитбанк" АТБ томонидан 10 фоиз ставкада янги кредитлар ажратилади.
Ҳужжат Қонун ҳужжатлари маълумотлари миллий базасида эълон қилинган ва 23.07.2026 йилдан кучга кирди.
Лола Абдуазимова
