Президентнинг 26.06.2018 йилдаги «Илғор фермер», «Меҳнаткаш деҳқон» ва «Намунали томорқачи» кўкрак нишонларини таъсис этиш чора-тадбирлари тўғрисида”ги ПҚ-3803-сон қарори билан низомлар, шунингдек нишонларнинг тавсифлари ва уларнинг гувоҳномалари тасдиқланди.
Белгиланишича, кўкрак нишони давлат мукофотларидан кейин кўкракнинг чап томонига тақилади. Ҳар бир нишон битта шахсга фақат бир марта берилади.
|
Кўкрак нишонининг номи
|
|
«Илғор фермер»
|
«Меҳнаткаш деҳқон»
|
«Намунали томорқачи»
|
|
Мукофотлар бериладиган шахслар
|
- мамлакатимиз қишлоқ хўжалиги соҳасини ривожлантириш, унинг иқтисодий қудратини ва экспорт салоҳиятини юксалтириш, халқимизнинг ризқ-рўзи ва фаровонлигини, озиқ-овқат хавфсизлигини таъминлаш, ерларнинг мелиоратив ҳолатини яхшилаш ишларига муносиб ҳисса қўшиб келаётган;
- қишлоқ хўжалигининг пахтачилик, ғаллачилик, боғдорчилик, узу мчилик, сабзавот-полизчилик, чорвачилик, балиқчилик, паррандачилик, асаларичилик ва бошқа йўналишларида самарали фаолият кўрсатаётган;
- соҳага оид илм-фан ютуқларини амалиётга жорий этган;
- замонавий технологиялардан унумли фойдаланаётган ҳамда қишлоқ хўжалиги маҳсулотлари етиштиришда юқори ҳосилдорликка эришаётган, уларни қайта ишлаш, сақлаш, тайёрлаш ва экспорт қилиш ишларида салмоқли натижаларни қўлга киритаётган, кўптармоқли фаолиятни йўлга қўйган;
- моддий-техник базаси мустаҳкам, тажрибали ва илғор фермер хўжаликлари раҳбарлари тақдирланадилар.
|
- қишлоқ хўжалиги маҳсулотлари ишлаб чиқаришда юксак натижаларга эришаётган;
- зарур агротехник тадбирларга риоя этган ҳолда ажратилган ер участкаларидан самарали ва оқилона фойдаланиб;
- аҳолига арзон ва сифатли маҳсулотларни етказиб бериш;
- уларни белгиланган сифат стандартлари талаблари асосида сақлаш ва экспорт қилиш ишларига муносиб ҳисса қўшиб келаётган;
- илғор маҳаллий ва хорижий тажрибаларни пухта ўзлаштириб, замонавий инновацион технологияларни амалиётга жорий этаётган;
- экин майдонлари унумдорлигини ошириш борасида салмоқли ишларни амалга ошираётган деҳқон хўжаликлари раҳбарлари, аъзолари, миришкор деҳқонлар ва бошқа қишлоқ хўжалиги соҳаси ходимлари тақдирланадилар.
|
- шахсий томорқа ер участкаларидан самарали ва оқилона фойдаланиб;
- қишлоқ хўжалиги маҳсулотларини ишлаб чиқаришда юксак натижаларга эришаётган;
- соҳага замонавий инновацион технологияларни жорий этган ҳолда экологик ва органик тоза, арзон ва сифатли маҳсулотларни етиштириш ва ички бозорни улар билан барқарор таъминлаш;
- янги серҳосил навларни кўпайтириш ишларига муносиб ҳисса қўшаётган;
- деҳқончилик маданияти ва сир-асрорларини пухта эгаллаган;
- жамоат ишларидаги фаоллиги билан аҳоли ўртасида алоҳида ҳурматга сазовор бўлган илғор томорқа ер эгалари тақдирланадилар
|
|
Бир йула тўланадиган пул мукофоти
|
2 ЭКИҲ
|
–
|
–
|
Ҳужжат Қонун ҳужжатлари маълумотлари миллий базасида эълон қилинган ва 27.06.2018 йилда кучга кирди.
Олег Гаевой.
