Учувчисиз учиш қурилмасини тўғри бошқаринг

Хусусан, белгиланишича, учувчисиз учиш қурилмаси (кейинги ўринларда - қурилма) парвозини бажариш вақтида фуқаро авиацияси учувчисиз учиш қурилмаси операторида* уни учишга тайёрлаш ва бошқаришга оид қўлланма бўлиши шарт.

Қурилма парвози сутканинг ёруғ вақтида, оддий метеошароитларда ва қурилма билан доимий визуал контактда бўлганда бажарилади.

Қурилма парвози:

одамлар, бино ва иншоотлар, транспорт воситаларигача 30 м дан;

дам олиш масканлари, ўйин майдонлари, спорт ва оммавий тадбирлар ўтказиладиган жойларгача 150 м дан;

аэродромлар, вертолёт майдонлари, давлат идоралари, темир йўл ва автомобиль вокзалларигача (станцияларигача) 5 км дан кам бўлмаган масофада бажарилади.

Ҳужжатга бир қатор бошқа ўзгартириш ва қўшимчалар киритилган.

Ҳужжат давлат тилида қабул қилинган ва 2016 йил 12 декабрда кучга кирди.

__________

* Фуқаро авиацияси учувчисиз учиш қурилмаси оператори – аризачининг** учувчисиз учиш қурилмаси бошқарувини бевосита амалга оширувчи мансабдор шахси.

** Аризачи – Вазирлар Маҳкамасининг алоҳида қарори билан идоравий вазифаларни бажариш учун Ўзбекистоннинг самовий ҳудудида учувчисиз учиш қурилмаларидан фойдаланиш рухсат этилган Ўзбекистон юридик шахси.

Мазкур ҳужжатнинг матни билан, у билан боғланган бошқа қонун ҳужжатларига шарҳлар ва ҳаволалар билан «Ўзбекистон Республикаси қонунчилиги» ахборот-қидирув тизимида танишиш мумкин.

«Ўзбекистон Республикаси қонунчилигида янги» шарҳини

эксперт-юристимиз Сардор ЖУМАШОВ

тайёрлади.