Тегишли қонунлар (2.10.2018 йилдаги ЎРҚ–491, ЎРҚ–492 ва ЎРҚ–493-сон) «Халқ сўзи» газетасида эълон қилинди.
Ўзбекистон ратификация қилган халқаро ҳужжатлар сирасида:
- Париж битими (Париж, 2015 йил 12 декабрь). Унда аъзо давлатларнинг иқлимдаги глобал салбий ўзгаришларга қарши курашиш бўйича биргаликдаги саъй-ҳаракатлари қайд этилган. Битимда ердаги ўртача ҳарорат ошишига йўл қўймаслик (саноат ривожлангунгача бўлган давр билан солиштирганда 2˚С дан паст, имкон қадар – 1,5˚С дан юқори эмас), парник газлари чиқаришни чеклаш ва иқлимдаги ўзгариш оқибатларига қарши курашишда молиявий маблағларни консолидациялаш назарда тутилган.
- Ислом мамлакатларининг стандартлар ва метрология институти Устави ва Тартиб-қоидалари. Ислом мамлакатларининг стандартлар ва метрология институти (The Standards and Metrology Institute for the Islamic Countries, SMIIC) мақоми ва фаолиятининг асосий жиҳатларини белгиловчи асосий ҳужжатлардир. Ушбу орган Ислом ҳамкорлик ташкилоти доирасида фаолият юритади, ИҲТга аъзо давлатлар ўртасида савдо ҳамкорлигини ривожлантириш учун янги стандартларни ишлаб чиқиш ва амалдагиларни улар ўртасида келишиш бўйича иш юритади.
- Ислом ҳамкорлик ташкилоти Уставига киритилган тузатиш (Абиджан, 2017 йил 10–11 июль).
Эслатиб ўтамиз, халқаро шартномаларни ратификация қилиш тўғрисидаги қонун ҳужжатлари Олий Мажлис Сенатининг ўтган 16-нчи ялпи мажлиси дастурига киритилган эди. Унда Парламентнинг юқори палатаси 14 та қонунни тасдиқлади (батафсил қаранг). Айни пайтда «Ўзбекистон Республикаси Давлат хавфсизлик хизмати кунини белгилаш тўғрисида»ги Қонун ҳам эълон қилинди (бу ерга қаранг).
Олег Заманов.
