Телекоммуникациялар соҳасида лицензиялаш механизмларини такомиллаштириш бўйича чора-тадбирлар лойиҳаси ҚҲТБТ порталида эълон қилинди.
Лицензиялар даъвогарлари томонидан тақдим этиладиган ҳужжатлар пакетидан қуйидагиларни чиқариб ташлаш таклиф қилинаётир:
- ИИВ давлат ёнғин хавфсизлиги хизматининг ёнғин нормалари талабларига мувофиқлик тўғрисида хулосаси;
- давлат санитария назоратини амалга оширувчи органларнинг санитария қоидалари ва нормалари талабларига мувофиқлик тўғрисида хулосаси;
- олий маълумот тўғрисидаги дипломнинг ва телекоммуникациялар тармоқларини лойиҳалаштириш, қуриш бўйича мутахассислар меҳнат дафтарчасининг нусхалари.
Бундан ташқари, ўз тармоғини яратиш ҳуқуқисиз маълумотларни узатиш тармоқлари провайдерлари фаолиятини лицензиялашни “ягона дарча” ва Ягона порталга (электрон форматда) узатиш, лицензияларни ўзини эса келаси йилдан бошлаб Ягона порталнинг электрон ҳужжатлар репозиторийсига киритган ҳолда электрон шаклда бериш таклиф қилинмоқда.
Телекоммуникациялар соҳасидаги фаолиятни лицензиялаш тўғрисида низомга тегишли ўзгартиришлар ва қўшимчалар киритилади.
Лойиҳа муҳокама босқичида бўлиб, ўзгартирилиши, тўлдирилиши ёки рад этилиши мумкин.
Олег Заманов, экспертимиз.
