Вазирлар Маҳкамасининг 19.07.2017 йилдаги 524-сон “Фуқаро авиацияси учувчиларини тайёрлашни ташкил этиш чора-тадбирлари тўғрисида”ги қарори қабул қилинди.
“Ўзбекистон ҳаво йўллари” МАКнинг “Ўқув-машғулотлар маркази” ДУКда олий техника маълумотига эга авиация ходимлари жумласидаги фуқаро авиацияси учувчиларини тайёрлаш курслари ташкил этилади.
Бунда қуйидаги мақсадлар кўзланади:
- фуқаро авиацияси соҳасида халқаро стандартлар даражасида мутахассислар тайёрлашни амалга ошириш;
- фуқаро авиацияси соҳасидаги етакчи олий таълим муассасаларининг илғор тажрибасини ҳисобга олган ҳолда тегишли йўналишлар бўйича ўқув режалари ва дастурлари, услубий адабиётлар ишлаб чиқиш;
- фуқаро авиацияси соҳасида етакчи хорижий олий таълим муассасалари ва илмий марказлари билан ҳамкорлик алоқаларини ривожлантириш.
Мазкур ҳужжатнинг тўлиқ матни билан, у билан боғланган бошқа қонун ҳужжатларига шарҳлар ва ҳаволалар билан «Ўзбекистон Республикаси қонунчилиги» ахборот-қидирув тизимида танишиш мумкин.
Олег Заманов,
экспертимиз.
