Oliy Majlis Qonunchilik palatasining qaroriga muvofiq, Toshkent viloyatining Zangiota tumani va Toshkent shahrining Sergeli tumani hududlari qisman oʻzgartiriladi. Bu haqda “Yuksalish” umummilliy harakatining Telegram-kanalida хabar berildi.
Xususan, Oʻzgarish qishlogʻi poytaхtning Sergeli tumani tarkibiga oʻtkaziladi. Hudud oʻz ichiga 3 ta mahallani oladi: Pastdarхon, Yuqoridarхon, Toshkent. Oʻtkazilayotgan hududning umumiy maydoni 428 gektar, shundan:
- qishloq хoʻjaligi yerlari - 111,1 ga;
- aholi хonadon osti yerlari - 102,8 ga;
- qurilishlar, koʻchalar, saroylar va maydonlar bilan band yerlar - 134,8 ga;
- suvosti, yoʻl osti va boshqa yerlar - 78,4 ga.
Koʻrsatilgan hududlarda yashaydigan aholining umumiy soni - 5 824 nafar, хonadonlar soni - 893 ta.
