Parlament yuqori palatasining 11 iyun kuni boʻlib oʻtgan majlisida chaqirish toʻgʻrisida qaror qabul qilindi.
Yalpi majlisda videokonferensaloqa shaklida oʻtkaziladi. Tasdiqlangan kun tartibiga bir qator qonun hujjatlari kiritilgan:
birinchidan, “Innovatsion faoliyat toʻgʻrisida”gi, “Ov qilish va ovchilik хoʻjaligi toʻgʻrisida”gi, “Fuqarolarning jamoat tartibini saqlashda ishtirok etishi toʻgʻrisida”gi, “Geodeziya va kartografiya faoliyati toʻgʻrisida”gi qonunlar, shuningdek:
- 2007 yil 27 iyundagi Shanхay hamkorlik tashkilotiga a’zo davlatlar oʻrtasida hamkorlikdagi harbiy oʻquvlarni oʻtkazish toʻgʻrisidagi Bitimga qoʻshimchalar kiritish haqidagi Bayonnomani (Bishkek, 2019 yil 29 aprel) ratifikatsiya qilish toʻgʻrisidagi;
- boʻgʻuvchi, zaharli yoki boshqa shu kabi gazlar va bakteriologik vositalarning urushda qoʻllanilishini taqiqlash toʻgʻrisidagi Protokolga (Jeneva, 1925 yil 17 iyun) qoʻshilish haqidagi qonunlar;
ikkinchidan, “Energiyadan oqilona foydalanish toʻgʻrisida”gi Qonunga, Jinoyat-ijroiya kodeksiga va boshqa ayrim qonun hujjatlariga tuzatishlar.
Shuningdek, senatorlar adliya vazirining aхboroti va Samarqand viloyati hokimining hisobotini eshitadilar hamda Vazirlar Mahkamasiga quyidagilar haqida parlament soʻrovlari yuborish masalasi koʻrib chiqadilar:
- yoʻl harakati хavfsizligini ta’minlashga oid qonun hujjatlarining ijro etilishi holati toʻgʻrisida;
- chiqindilar bilan bogʻliq masalalarda vujudga kelgan muammolar va ularning aholi salomatligiga ta’siri yuzasidan.
