Turkiya Hukumati Oʻzbekiston avtotashuvchilariga qaytishda Turkiya portlarida yuklarni ortish huquqini berdi, deb хabar qilinadi TIV rasmiy saytida.
Tegishli qaror 2019 yil 14 avgust kuni Turkiya Respublikasi Prezidenti Rejep Tayyip Erdogʻan tomonidan imzolangan.
Ushbu choralar 2017 yil 25 oktyabrda Oʻzbekiston Prezidentining Turkiyaga tashrifi chogʻida imzolangan Yoʻlovchilar va yuklarni avtomobilda хalqaro tashish toʻgʻrisidagi hukumatlararo bitimni amaliy tatbiq etish doirasida amalga oshirilmoqda.
Eslatib oʻtamiz, yuqorida aytib oʻtilgan hukumatlararo Bitimni amalga oshirish doirasida oʻzbekistonlik avtotashuvchilar uchun Turkiyaga 30 kunlik muddatga kirish vizalari bekor qilingan. Tegishli qaror Turkiya Respublikasi Prezidenti tomonidan 9 mayda imzolangan va 2019 yil 10 maydan kuchga kirgan.
