Туркия Ҳукумати Ўзбекистон автоташувчиларига қайтишда Туркия портларида юкларни ортиш ҳуқуқини берди, деб хабар қилинади ТИВ расмий сайтида.
Тегишли қарор 2019 йил 14 август куни Туркия Республикаси Президенти Режеп Таййип Эрдоған томонидан имзоланган.
Ушбу чоралар 2017 йил 25 октябрда Ўзбекистон Президентининг Туркияга ташрифи чоғида имзоланган Йўловчилар ва юкларни автомобилда халқаро ташиш тўғрисидаги ҳукуматлараро битимни амалий татбиқ этиш доирасида амалга оширилмоқда.
Эслатиб ўтамиз, юқорида айтиб ўтилган ҳукуматлараро Битимни амалга ошириш доирасида ўзбекистонлик автоташувчилар учун Туркияга 30 кунлик муддатга кириш визалари бекор қилинган. Тегишли қарор Туркия Республикаси Президенти томонидан 9 майда имзоланган ва 2019 йил 10 майдан кучга кирган.
