«Oʻzbekiston Respublikasining ayrim qonun hujjatlariga oʻzgartirish va qoʻshimchalar kiritish toʻgʻrisida»gi qonun loyihasi muhokamaga qoʻyildi.
Oʻzgartirishlar qatorida – quyidagi sub’yektlar tomonidan qonunchilik takliflarini ilgari surish va Oliy Majlis Qonunchilik palatasiga kiritish mumkinligi koʻzda tutilgan:
- 100 ming nafardan kam boʻlmagan fuqarolar;
- Senat;
- Ombudsman;
- Markaziy saylov komissiyasi.
Shu bilan birga, quyidagi masalalar fuqarolar tomonidan kiritiladigan qonunchilik taklifining predmeti boʻlishi mumkin emas:
- Oʻzbekiston hududiy yaхlitligini oʻzgartirish;
- amnistiya va afv etish;
- mansabdor shaхslarni tayinlash va vazifasidan ozod etish.
Shuningdek, qonun loyihasi quyidagilarni nazarda tutmoqda:
- Oliy Majlis Qonunchilik palatasining va Senatining mutlaq vakolatlarini hamda parlament nazoratini amalga oshirishning huquqiy asoslarini takomillashtirishni;
- qonunlarni qabul qilishning yangi tartibini amaldagi qonunchilikda belgilashni.
Loyiha bilan Saylov kodeksi va quyidagi qonunlarga oʻzgartirishlar kiritish rejalashtirilmoqda:
- «Prokuratura toʻgʻrisida»;
- «Oʻzbekiston Respublikasi Oliy Majlisining Inson huquqlari boʻyicha vakili (ombudsman) toʻgʻrisida»;
- «Referendum yakunlari hamda davlat hokimiyati tashkil etilishining asosiy prinsiplari toʻgʻrisida»;
- «Oʻzbekiston Respublikasi Oliy Majlisining Senati toʻgʻrisida»;
- «Oʻzbekiston Respublikasi Oliy Majlisining Qonunchilik palatasi toʻgʻrisida»;
- «Oʻzbekiston Respublikasi Oliy Majlisi Qonunchilik palatasining Reglamenti toʻgʻrisida»;
- «Oʻzbekiston Respublikasi Oliy Majlisi Senatining Reglamenti toʻgʻrisida»;
- «Oʻzbekiston Respublikasi Oliy Majlisi Qonunchilik palatasi deputatining va Senati a’zosining maqomi toʻgʻrisida»;
- «Qonunlar loyihalarini tayyorlash va Oʻzbekiston Respublikasi Oliy Majlisining Qonunchilik palatasiga kiritish tartibi toʻgʻrisida»;
- «Davlat boshqaruvini yangilash va yanada demokratlashtirish hamda mamlakatni modernizatsiya qilishda siyosiy partiyalarning rolini kuchaytirish toʻgʻrisida»;
- «Parlament nazorati toʻgʻrisida»;
- Oʻzbekiston Respublikasi Davlat хavfsizlik хizmati toʻgʻrisida»;
- Oʻzbekiston Respublikasining Hisob palatasi toʻgʻrisida».
Loyiha oʻzgartirilishi, toʻldirilishi yoki rad etilishi mumkin.
Sobir Nurberdiyev.
