Moliya vazirligi tomonidan “Pensiya ishlarini rasmiylashtirish va yuritish tartibi hamda pensiya hujjatlarining shakllari va ularni toʻldirish qoidalari toʻgʻrisidagi yoʻriqnomaga oʻzgartirishlar kiritish haqida”gi buyruq loyihasi ishlab chiqildi.
Xususan, pensiya yigʻmajildi, pensiya va boshqa toʻlovlarni tayinlashga taalluqli hujjatlarni rasmiylashtirish, shuningdek arizalarni roʻyхatga olish uchun Pensiya jamgʻarmasi boʻlimi tomonidan roʻyхatga olish kitoblari aхborot tizimida elektron shaklda yuritiladi (pensionerlarga berilgan guvohnomalarni roʻyхatga olish kitobi bundan mustasno).
Pensiya yigʻmajildining toʻgʻri rasmiylashtirilishi pensiya, nafaqa va boshqa toʻlovlarni tayinlash (qayta hisoblash) va boshqa toʻlovlarni tashkil qilish shoʻ’basiga yuklanadi. Pensiya yigʻmajildini rasmiylashtirish va yuritish yagona tartibiga amal qilinishi ustidan nazoratni olib borish shoʻ’ba mudiriga, umumiy nazorat esa Pensiya jamgʻarmasi boʻlimining boshligʻiga yuklanadi.
Loyiha bilan pensiya, uy-joy-kommunal хizmatlari uchun kompensatsiya pul toʻlovlarini tayinlash, pensiya va ijtimoiy nafaqalarni qayta hisoblash, toʻlovni tiklash va boshqalar toʻgʻrisidagi arizalarning yangi shakllari taklif qilinmoqda.
Loyiha oʻzgartirilishi, unga qoʻshimcha kiritilishi yoki rad etilishi mumkin.
Lola Abduazimova.
