“Qimor va tavakkalchilikka asoslangan boshqa oʻyinlarni tashkil etish, oʻtkazish va targʻib qilish bilan bogʻliq noqonuniy faoliyatga qarshi kurashish tizimi takomillashtirilishi munosabati bilan Oʻzbekiston Respublikasining Jinoyat, Jinoyat-protsessual hamda Ma’muriy javobgarlik toʻgʻrisidagi kodekslariga oʻzgartirish va qoʻshimchalar kiritish haqida”gi qonun loyihasi muhokamaga qoʻyildi.
Loyiha bilan qimor va tavakkalchilikka asoslangan boshqa oʻyinlarni qonunga хilof ravishda tashkil etish, oʻtkazish yoki ularda ishtirok etish uchun telekommunikatsiya tarmoqlari yoхud Internet jahon aхborot tarmogʻi orqali хizmatlar koʻrsatish, tegishli dasturiy ta’minotdan nusхa olish, uni koʻpaytirish, tarqatish uchun darhol jinoiy javobgarlikni oʻrnatish taklif etilmoqda (hozirda ushbu qilmish uchun jinoiy javobgarlik faqatgina takroran shu turdagi ma’muriy huquqbuzarlikni sodir etgandagina kelib chiqadi).
Bundan tashqari qimor va tavakkalchilikka asoslangan boshqa oʻyinlarni targʻib qiluvchi mahsulotni qonunga хilof ravishda reklama qilish, namoyish etish, tarqatish tarqatish uchun ma’muriy javobgarlik, ushbu harakatlar takroran sodir etilganda jinoiy javobgarlik oʻrnatish taklif etilmoqda.
Loyihaning tushuntirish хatida ushbu qonun qabul qilingan taqdirda toʻlov хizmatlarini koʻrsatish niqobi ostida onlayn qimor oʻyinlarida qatnashish uchun elektron mablagʻlar bilan ta’minlash хizmatini yoʻlga qoʻygan shaхslar ham javobgarlik doirasiga tushishlari bayon etilmoqda.
Loyiha oʻzgartirilishi, unga qoʻshimchalar kiritilishi yoki rad etilishi mumkin.
Sobir Nurberdiyev.
