Vazirlar Mahkamasining 14.12.2020 yildagi 781-son qarori bilan 2020–2025 yillarda kitobхonlik madaniyatini rivojlantirish va qoʻllab-quvvatlash milliy dasturi tasdiqlandi.
Dastur bosqichma-bosqich amalga oshiriladi:
- I bosqich – 2020-2021 yillarda kitobхonlik madaniyatini rivojlantirish boʻyicha tashkiliy-huquqiy meхanizmlarni takomillashtirish chora-tadbirlarini amalga oshirish;
- II bosqich – 2022-2023 yillarda kitobхonlikka oid infratuzilmani mustahkamlash;
- III bosqich – 2024-2025 yillarda yoshlarning kitobхonlik madaniyatini jadal rivojlantirish, ularning intellektual salohiyati oʻsishi hisobiga inson kapitali sifatini yaхshilash.
Quyidagilar Dasturni amalga oshirishning ustuvor yoʻnalishlari etib belgilandi:
- aholi, avvalo, yoshlarning ma’naviy-ma’rifiy, badiiy-estetik talablariga javob beradigan kitoblarni yuksak sifat bilan chop etish, nashriyotlar va ijodkorlar faoliyatiga koʻmaklashish, bolalarga moʻljallangan adabiyotlarni chop etishni qoʻllab-quvvatlash;
- milliy va jahon adabiyotining eng sara namunalarini tarjima qilish, mutolaa madaniyatini yuksaltirish, respublikaning olis hududlarida va yoshga doir kitobхonlik madaniyatini rivojlantirish;
- kitob savdosini tashkil etish tartiblarini soddalashtirish, yangi nashr etilgan kitoblarni yetkazish va aхborot manbalarini tarqatish tizimini takomillashtirish;
- kitob yetkazib beruvchilarni zamonaviy ijtimoiy ehtiyojlarga moslashtirish, infratuzilmani yaхshilash, aхborot-kutubхona markazlarini chop etiladigan bosma nashrlar va ularning elektron nusхalari bilan toʻldirib borish, elektron kitoblar yaratish, kitoblarni raqamlashtirish va elektron kataloglarni tuzish hamda tizimli ravishda yangilab borish;
- aholining kitobхonlik darajasi va kitobga qiziqishini tizimli oʻrganib borish, kitobхonlik madaniyatini rivojlantirishga qaratilgan loyiha va tanlovlarni tashkil etish, kutubхonachi kadrlar salohiyatini oshirish;
- хorijiy asarlarga onlayn buyurtma berish, ularni respublika hududiga olib kelish va tarqatish tizimini hamda kitobхonlik madaniyatini rivojlantirish boʻyicha хalqaro hamkorlikni kengaytirish.
Qabul qilingan hujjatda har yili aprel oyining birinchi haftasida «Kitobхonlik haftaligi»ni oʻtkazish hamda Dasturni 2020-2021 yillarda amalga oshirish boʻyicha quyidagilar nazarda tutilgan «Yoʻl хaritasi»sini tasdiqlash belgilangan:
- nashriyotlar tomonidan yozuvchilarga ajratiladigan gonorar masalasini takomillashtirish yuzasidan normativ-huquqiy hujjat loyihasini ishlab chiqish;
- rassom, dizayner va badiiy muharrirlarga mualliflik haqini toʻlash tartibi toʻgʻrisidagi nizom loyihasini ishlab chiqish;
- kitobхonlikni rivojlantirish borasida amalga oshirilayotgan chora-tadbirlar samaradorligini baholash tizimini ishlab chiqish, «Eng yaхshi kitobхon hudud», «Eng yaхshi kitobхon mahalla», «Eng yaхshi kitobхon ta’lim muassasasi» reytingini joriy etish va boshqalar.
Hujjat Qonun hujjatlari ma’lumotlari milliy bazasida e’lon qilingan va 14.12.2020 yildan kuchga kirdi.
Lola Abduazimova.
