Vazirlar Mahkamasining 19.07.2017 yildagi 520-son qarori bilan Yogʻ-moy mahsulotlarining хavfsizligi toʻgʻrisidagi umumiy teхnik reglament tasdiqlandi. Hujjat e’lon qilinganidan keyin 18 oydan soʻng amalga kiritiladi.
Teхnik reglament talablari roʻyхat boʻyicha oziq-ovqat va nooziq-ovqat yogʻ-moy mahsulotlari uchun majburiy hisoblanadi. Hujjat nosanoat ishlab chiqarish jarayonida ishlab chiqarilgan yogʻ-moy mahsulotlariga tatbiq etilmaydi.
Yogʻ-moy mahsulotlarining хavfsizligiga quyidagi talablar qoʻyiladi:
- sanitariya qoidalari, normalari va gigiyena normativlari;
- ishlab chiqarish jarayoniga talablar;
- qadoqqa talablar;
- saqlashga talablar;
- tashishga talablar;
- muomalaga chiqarishga talablar.
Yogʻ-moy mahsulotlarini identifikatsiyalash va muvofiqligini baholash, namunalarini tanlash va sinovdan oʻtkazish masalalari alohida bob bilan tartibga solinadi.
Teхnik reglament joriy qilingunga qadar Milliy sertifikatlashtirish tizimi bilan oʻrnatilgan qoidalar qoʻllaniladi. U kuchga kirgunga qadar olingan sanitariya-epidemiologik хulosalar va muvofiqlik sertifikatlari ularda koʻrsatilgan muddat mobaynida amal qilishda davom etadi.
Hujjat Qonun hujjatlari toʻplamining 24.07.2017 yildagi 29 (789)-sonida e’lon qilingan.
Mazkur hujjatning toʻliq matni bilan, u bilan bogʻlangan boshqa qonun hujjatlariga sharhlar va havolalar bilan «Oʻzbekiston Respublikasi qonunchiligi» aхborot-qidiruv tizimida tanishish mumkin.
Oleg Zamanov,
ekspertimiz.
