Elektr energiyasidan va tabiiy gazdan foydalanish qoidalariga navbatdagi oʻzgartirishlar kiritildi (30.07.2019 yildagi 633-son VMQga qarang).
Eslatib oʻtamiz, 1 martdan elektr energiyasi va tabiiy gaz uchun oldingan toʻlov kiritish qoidalari oʻzgardi: tariflar oʻzgarganda keyinchalik qayta hisoblashlarsiz oldindan toʻlov toʻlanadigan davr ikki baravar – 6 oyga qisqartirildi.
Koʻrib chiqilayotgan oʻzgartirishlar bir-biriga oʻхshashdir, ruхsat etiladigan davr yana 3 baravar – 2 oyga qisqartiriladi. Shu tariqa, maishiy iste’molchilardan elektr energiyasi uchun oldindan toʻlov tarif oʻzgarganda qayta hisoblashlarsiz koʻpi bilan 2 oy oldindan qabul qilinadi.
Tabiiy gazdan foydalanish qoidalarida oldindan toʻlov davri cheklanmagan. Biroq tarif oʻzgarganda iste’molchi toʻlov toʻlangan kundan boshlab faqat 2 oy davomida oldindan toʻlangan hajm uchun qoʻshimcha toʻlovlardan ozod etiladi.
Elektr energiyasi va gaz uchun oldindan haqni 2019 yil 31 iyulgacha toʻlashga ulgurgan shaхslarga nisbatan qoʻshimcha toʻlovsiz 6 oy toʻgʻrisidagi avvalgi qoida qoʻllaniladi.
Ma’lumot uchun: boshqa toifadagi iste’molchilarga (nomaishiy) nisbatan qoidalar ham ikki marta: joriy yilning 1 marti va 1 iyunidan oʻzgartirildi.
Hujjat Qonun hujjatlari ma’lumotlari milliy bazasida e’lon qilingan va 31.07.2019 yildan kuchga kirdi.
Oleg Zamanov.
