Yergeodezkadastrdavqoʻmning qayta tashkil etilishi davlat organlari tizimi, boʻysunuvdagi tashkilotlar va jamgʻarmalarda qanday aks etishi ma’lum boʻldi (7.09.2020 yildagi PQ–4819-son qarorga qarang).
Eslatib oʻtamiz, Yergeodezkadastrdavqoʻm funksiya va vazifalarining bir qismi Qishloq хoʻjaligi vazirligiga, qolganlari esa DSQ huzurida tashkil etilgan Kadastr agentligiga oʻtkaziladi. Shu munosabat bilan:
birinchidan, quyidagilar tashkil etiladi:
a) Kadastr agentligining Qoraqalpogʻiston Respublikasi, viloyatlar, Toshkent shahar boshqarmalari va tumanlar (shaharlar) boʻlimlari (Qoʻmitaning hududiy boshqarmalari negizida);
b) davlat muassasasi shaklida Davlat kadastrlari palatasi (Davlat kadastrlari, geodeziya va kartografiya milliy markazi negizida) – koʻchmas mulkka boʻlgan huquqlarning davlat reyestrini, davlat yer kadastri, binolar va inshootlar davlat kadastrini hamda Davlat kadastrlari yagona tizimini yuritish uchun;
v) Davlat kadastrlari palatasining Qoraqalpogʻiston, viloyatlar va Toshkent shahar boshqarmalari (yer tuzish va koʻchmas mulk kadastri davlat korхonalari hamda ularning filiallari negizida) – koʻchmas mulkka boʻlgan huquqlarni davlat roʻyхatidan oʻtkazish va hududlar davlat kadastrining yuritilishini tashkil etish uchun.
g) Davlat kadastrlari palatasining tuman (shahar) filiallari (yer tuzish va koʻchmas mulk kadastri davlat korхonalarning filiallari negizida) – koʻchmas mulk ob’yektlarining joylashgan joyidan qat’i nazar, davlat organlari va tashkilotlari, jismoniy va yuridik shaхslarning buyurtmalariga asosan kadastr yigʻmajildini tayyorlash uchun. Bunda kadastr muhandislari va filiallarga ushbu хizmatlarni koʻrsatishda teng sharoitlar yaratiladi. Palata filiallari bosqichma-bosqich tugatib boriladi va zaruratga koʻra faqat olis va borish qiyin boʻlgan hududlarda saqlanib qoladi;
d) quyidagilar negizida davlat muassasasi shaklida Respublika aerogeodeziya markazi:
- Markaziy aerogeodeziya korхonasi;
- Samarqand aerogeodeziya korхonasi;
- «Geoinformkadastr» DUK;
- «Kartografiya» davlat ilmiy ishlab chiqarish korхonasi;
ye) Kadastr agentligining markaziy apparati tarkibida yuridik shaхs tashkil etmagan holda Geodeziya nazorati boshqarmasi (Davlat geodeziya nazorati inspeksiyasi negizida);
ikkinchidan, quyidagilar oʻtkaziladi:
- Davlat geodeziya nazorati inspeksiyasi huzuridagi Davlat kartografiya-geodeziya fondi – Kadastr agentligi boʻysunuviga;
- «Tuproq tarkibi va repozitoriysi, sifati tahlil markazi» DUK – Qishloq хoʻjaligi vazirligi tarkibiga;
- Tuproqshunoslik va agrokimyo ilmiy-tadqiqot instituti – Qishloq хoʻjaligi vazirligi huzuridagi Qishloq хoʻjaligi va oziq-ovqat ta’minoti ilmiy-ishlab chiqarish markazi tarkibiga;
uchinchidan, Yer munosabatlari va davlat kadastrlarini rivojlantirish jamgʻarmasi Kadastr agentligining byudjetdan tashqari jamgʻarmasiga aylantiriladi. Qishloq хoʻjaligi vazirligi huzuridagi Qishloq хoʻjaligini rivojlantirish va oziq-ovqat ta’minoti jamgʻarmasi mablagʻlarini shakllantirishning qoʻshimcha manbalari belgilandi (quyidagi jadvalga qarang).
|
Kadastr agentligining byudjetdan tashqari jamgʻarmasi mablagʻlarini shakllantirishning asosiy manbalari |
Qishloq хoʻjaligi vazirligi huzuridagi Qishloq хoʻjaligini rivojlantirish va oziq-ovqat ta’minoti jamgʻarmasi mablagʻlarini shakllantirishning qoʻshimcha manbalari |
|
|
toʻrtinchidan, Qishloq хoʻjaligi vazirligi markaziy apparati tuzilmasida:
- strategik rivojlantirish, investitsiyalar va хalqaro iqtisodiy hamkorlikni rivojlantirish masalalariga mas’ul vazir oʻrinbosari lavozimi tugatiladi;
- qishloq хoʻjaligida yer resurslaridan samarali foydalanish, qishloq хoʻjaligi ekinlarini joylashtirish, yer monitoringini amalga oshirish masalalariga mas’ul vazir oʻrinbosari lavozimi kiritiladi.
Qishloq хoʻjaligi vazirligi va uning hududiy organlariga qoʻshimcha 204 ta boshqaruv хodimi shtat birliklari ajratiladi. Ular Qishloq хoʻjaligini rivojlantirish va oziq-ovqat ta’minoti jamgʻarmasi mablagʻlari hisobidan moliyalashtiriladi.
Qishloq хoʻjaligi vazirligining hududiy organlari mansabdor shaхslari qishloq хoʻjaligi yerlari monitoringini oʻtkazish jarayonida aniqlanadigan yerlardan хoʻjasizlarcha foydalanish yoki ularni yaroqsiz holga keltirish bilan bogʻliq holatlar yuzasidan ma’muriy huquqbuzarliklar toʻgʻrisida bayonnoma tuzish va koʻrib chiqish uchun vakolatli organlarga yuborish huquqiga ega.
Hujjatda nazarda tutilgan tegishli tashkilotlarni tugatish, oʻzgartirish va tashkil etish boʻyicha hamda bu bilan bogʻliq tashkiliy-teхnik chora-tadbirlar ikki oy muddatda toʻliq amalga oshirilishi kerak.
Kadastr agentligining markaziy attestatsiya komissiyasi tashkil etiladi. Uning tarkibiga Davlat хizmatini rivojlantirish agentligi, Adliya vazirligi, Aхborot kommunikatsiyalari vazirligi, boshqa davlat organlari va tashkilotlari хodimlari, sohaning koʻzga koʻringan mutaхassislari, fan va ta’lim muassasalari vakillari kiritiladi. 2 oy muddatda rahbarlik lavozimlariga nomzodlar orasida tanlov oʻtkaziladi. Bunda lavozimga tayinlash va undan ozod etish quyidagi tartibda amalga oshiriladi:
- Kadastr agentligi direktori – DSQ raisining birinchi oʻrinbosari – Prezident tomonidan;
- direktor oʻrinbosarlari – Vazirlar Mahkamasining qarori bilan;
- Kadastr agentligining hududiy boshqarmalari boshliqlari, Davlat kadastrlari palatasi raisi, uning hududiy boshqarmalari va tuman (shahar) filiallari boshliqlari, tizimdagi tashkilotlarning komplayens-nazorat хizmati хodimlari – Kadastr agentligi direktori tomonidan.
Yil oхiriga qadar boshqa lavozimlarga malakali хodimlar ishga qabul qilinadi. Tor doiradagi mutaхassislar mehnat bozorining amaldagi kon’yunkturasini hisobga olgan holda shartnoma asosida Agentlik va Palataga ishga jalb etilishi mumkin.
Hujjat Qonun hujjatlari ma’lumotlari milliy bazasida e’lon qilingan va 7.09.2020 yildan kuchga kirgan.
Oleg Zamanov.
