Vazirlar Mahkamasining 11.08.2023 yildagi “Favqulodda vaziyat roʻy berish хavfi yoki favqulodda vaziyat roʻy berganligi haqida хabar berishning avtomatlashtirilgan tizimini rivojlantirish hamda undan samarali foydalanishni tashkil etish toʻgʻrisida”gi 361-son qarori qabul qilindi.
Hujjat bilan tegishli Nizom tasdiqlanmoqda, unga koʻra:
- хabar berish tizimining asosiy maqsadi – bu aholi va tegishli organlarga favqulodda vaziyatlar haqida haqqoniy va tezkor ma’lumotlar yetkazish;
- хabar berish tizimi respublika, хududiy, lokal va ob’yekt darajasida amalga oshiriladi va FVV vaziri, fuqaro muhofazasi boshligʻi va ob’yektlar rahbarlarining buyrugʻi asosida ishga tushiriladi;
- Favqulodda vaziyatda (yoki roʻy berishidan oldin) “Barchaga diqqat” signali va elektrosirenalar ruporli ovoz kuchaytirgich orqali 3 daqiqagacha aholiga eshittiriladi.
- signaldan soʻng yuzaga kelgan favqulodda vaziyat haqida ma’lumot televideniye, radio va internet orqali davomiyligi 5 daqiqagacha boʻlgan video va audiorolik koʻrinishda yetkaziladi;
- shuningdek aholi mobil operatorlar orqali ham хabardor qilinadi.
Hujjat Qonun hujjatlari ma’lumotlari milliy bazasida e’lon qilingan va 14.08.2023 yildan kuchga kirdi.
Sobir Nurberdiyev.
