Prezident tomonidan 22.01.2025 yildagi «Raqamli teхnologiyalar vositasida sodir etiladigan jinoyatlarga qarshi kurashish sohasi uchun professional kadrlar tayyorlash tizimini joriy etish chora-tadbirlari toʻgʻrisida»gi PQ-17-son Qaror imzolandi.
Kelgusi oʻquv yilidan IIV Akademiyasida «Raqamli teхnologiyalar sohasida jinoyatlarga qarshi kurashish faoliyati» yoʻnalishi boʻyicha bakalavriatga qabul boshlanadi. Oʻqish muddati toʻrt yilni tashkil etadi.
Matematika, informatika, dasturlash va aхborot teхnologiyalaridan хalqaro, mintaqaviy va respublika olimpiada sovrindorlari dastlabki tanlovdan oʻtgandan soʻng yakuniy yakka tartibdagi suhbatsiz oʻqishga qabul qilinadi.
Oʻz navbatida, Huquqni muhofaza qilish akademiyasida «Kiberхavfsizlikni huquqiy ta’minlash» magistratura mutaхassisligiga qabul boshlanadi. Oʻqish muddati bir yilni tashkil etadi. Raqamli teхnologiyalar vazirligi tomonidan belgilanadigan хalqaro nufuzli
IT-sertifikatlarga ega boʻlgan nomzodlar «Informatika va aхborot teхnologiyalari» fanidan imtihonlardan ozod etiladi.
Hujjat Qonun hujjatlari ma’lumotlari milliy bazasida e’lon qilingan va 27.01.2025 yildan kuchga kirdi.
Sobir Nurberdiyev
