Prezidentning 15.03.2023 yildagi “Toshkent metropolitenidan foydalanishda pensiya oluvchilarga qoʻshimcha qulayliklar yaratish toʻgʻrisida”gi PQ-94-son qarori qabul qilindi.
Keksalarni qoʻllab-quvvatlash hamda pensiya oluvchilarning hayot faoliyati va turmush darajasini yanada yaхshilash, ularning shahar yoʻlovchi tashish transportidan foydalanishida qoʻshimcha qulayliklar yaratish maqsadida 2023 yil 1 apreldan boshlab pensionerlar Toshkent metrosi хizmatlaridan bepul foydalanishlari mumkin.
Bunda, Toshkent metropolitenining хizmatlarni koʻrsatish evaziga olinmay qolgan daromadlari Oʻzbekiston Respublikasi Davlat byudjeti mablagʻlari hisobidan qoplab boriladi.
Hujjat Qonun hujjatlari ma’lumotlari milliy bazasida e’lon qilingan va 15.03.2023 yildan kuchga kirdi.
Lola Abduazimova.
